Home » கேளிக்கை » மெர்சலுக்கு சசி தரூர் - காங்கிரஸ் எம்பி ஆதரவு

மெர்சலுக்கு சசி தரூர் - காங்கிரஸ் எம்பி ஆதரவு

மக்கள் எதிர்ப்பே திரையில் வசனமாக உள்ளது - சசி தரூர், கேரள காங்கிரள் எம்பி

👤 Mangaathaa30 Oct 2017 12:56 PM GMT
மெர்சலுக்கு சசி தரூர் - காங்கிரஸ் எம்பி ஆதரவு
Share Post

தமிழக அரசியலை விட பரபரப்பாக சென்று கொண்டிருக்கும் மெர்சல் படத்திற்கு கேரள எம்.பி. சசிதரூர் ஆதரவு தெரிவித்துள்ளார்.
நடிகர் விஜய் நடிப்பில் இயக்குநர் அட்லி இயக்கத்தில் தீபாவளியன்று வெளியானது மெர்சல் திரைப்படம். இதில் மத்திய அரசின் ஜிஎஸ்டி, பணமதிப்பிழப்பு நடவடிக்கை குறித்து விமர்சனம் செய்யப்பட்டது.
இந்நிலையில் மெர்சல் படத்துக்கு ஆதரவாக கேரள எம்பி சசிதரூர் கருத்து கூறியுள்ளார். மேலும், ஜி.எஸ்.டி. தொடர்பான வசனம் சரியானதுதான். ஜி.எஸ்.டி.யை பொதுமக்களும், வணிகர்களும் எதிர்ப்பதால், அதை வசனமாக வைப்பதில் தவறு இல்லை என்றும் அந்த வசனங்களை நீக்க தேவையில்லை என்றும் சசிதரூர் கூறினார்.
இப்பிரச்சினையில், நடிகர் விஜயின் மதத்தை பற்றி பா.ஜ.க தலைவர்கள் பேசியதற்கு, ஒருவரின் மதம் என்ன என்று பார்த்த பிறகா, நாம் சினிமாவுக்கு செல்கிறோம்? என்றும் காங்கிரஸ் எம்பி சசிதரூர் கேள்வி எழுப்பியுள்ளார்
இதற்கு, தமிழக பாஜக தலைவர்கள் கடுமையான எதிர்ப்பை தெரிவித்தனர். மத்திய அரசின் திட்டங்களை விமர்சிக்கும், வசனங்களை படத்தில் இருந்து நீக்க வேண்டும் என்றும் கோரிக்கைகள் வைத்தனர்.
பாஜகவின் இந்த நடவடிக்கைக்கு பல்வேறு அரசியல் கட்சிகளும், தமிழ் சினிமா ரசிகர்களும் எதிர்ப்பு தெரிவித்து வருகின்றனர். இந்த நிலையில், மெர்சலுக்கு காங்கிரஸ் துணைத் தலைவர் ராகுல் காந்தி ஆதரவு தெரிவித்ததால் அப்படம் தேசிய அளவில் பேசப்பட்டது. இதனால் அப்படம் ரிலிஸான ஒரு வாரத்திலேயே 170 கோடி ரூபாய் வரை குவித்துள்ளது.