Home » கேளிக்கை » உடல் தோற்றத்தை கிண்டல் செய்யாதீர்கள் - வித்யா பாலன்

உடல் தோற்றத்தை கிண்டல் செய்யாதீர்கள் - வித்யா பாலன்

எல்லோருமே ஏதோ ஒரு வகையில் சிறப்பானவர்கள் தான்.

👤 Sivasankaran7 Jun 2019 5:09 PM GMT
உடல் தோற்றத்தை கிண்டல் செய்யாதீர்கள் - வித்யா பாலன்
Share Post

வித்யாபாலன் தற்போது தமிழில் அஜித்குமார் நடிக்கும், 'நேர்கொண்ட பார்வை' படத்தில் முக்கிய வேடம் ஏற்று நடிக்கிறார். தமிழில் தான் வித்யா பாலன் முதலில் அறிமுகமாகி இருக்க வேண்டும். இங்கு இருந்த டைரக்டர்கள் நிராகரித்ததால் இந்திக்கு சென்று அங்கு பெரிய புகழ்பெற்ற நடிகையாகி விட்டார்.

வித்யாவின் பருமனான தோற்றத்தை சிலர் கிண்டல் செய்ததை ஒரு பேட்டியில் பகிர்ந்து இருக்கிறார். இதுபற்றி வித்யாபாலன் கூறும்போது, 'யாருடைய உடல் தோற்றத்தையும், நிறத்தையும் கிண்டல் செய்து சிரிக்காதீர்கள். ஒவ்வொருவரும் வித்தியாசமானவர்கள்.

எல்லோருமே ஏதோ ஒரு வகையில் சிறப்பானவர்கள் தான். சினிமாவில் நான் நுழைந்த கால கட்டத்தில் பலரும் என் மன வலிமையை பலவீனப்படுத்தும் வகையில் அவமரியாதை செய்தார்கள். குண்டு பெண் என்று அழைத்து கேலி பேசினார்கள். இது எனது தன்னம்பிக்கையை பாதித்தது. உடல்தோற்றம் மட்டுமே ஒருவரை சாதனையாளராக்கப் போவதில்லை என்பதை கிண்டல் பேசுபவர்கள் உணர வேண்டும்' என்று வருத்தத்துடன் கூறினார்.