Home » கேளிக்கை » மருதநாயகம் படத்தில் விக்ரம் நடிக்கிறாரா?

மருதநாயகம் படத்தில் விக்ரம் நடிக்கிறாரா?

எனக்கு அரசியல் பணிகள் இருப்பதால் மருதநாயகம் படத்தில் நான் இருக்க மாட்டேன்.

👤 Sivasankaran27 Oct 2019 2:25 PM GMT
மருதநாயகம் படத்தில் விக்ரம் நடிக்கிறாரா?
Share Post

கமல்ஹாசன் கனவு படமான மருதநாயகம் படவேலைகள் 1997-ல் தொடங்கப்பட்டு சில காட்சிகள் படமாக்கப்பட்டு பின்னர் நிறுத்தப்பட்டது. பல காரணங்களால் படப்பிடிப்பை தொடர்வதில் சிக்கல் ஏற்பட்டது.

இப்போது அதில் நடித்தவர்கள் தோற்றம் மாறி இருக்கும் என்ற பிரச்சினையும் எழுந்தது. இது குறித்து கமல்ஹாசன் கூறும்போது, மருதநாயகம் படம் வரும். 30 நிமிட காட்சிகளை எடுத்து விட்டேன். அதுதான் கடினமான பகுதி. அதன்பிறகு 12 ஆண்டுகளுக்கு பிறகு என்றுதான் காட்சிகள் விரிகின்றன. எனவே தோற்றம் பற்றிய எந்த பிரச்சினை எழாது." என்றார்.

இந்த நிலையில் மருதநாயகம் படத்தில் நடிக்க மாட்டேன் என்று கமல்ஹாசன் தற்போது பரபரப்பு தகவலை வெளியிட்டுள்ளார். அவர் கூறும்போது, "மருதநாயகம் படம் தயாராகும். எனக்கு அரசியல் பணிகள் இருப்பதால் மருதநாயகம் படத்தில் நான் இருக்க மாட்டேன். எனக்கு பதில் வேறு நடிகர் இருப்பார்" என்றார்.

இதன்மூலம் மருதநாயகம் படத்தில் இருந்து விலகுவதை கமல்ஹாசன் உறுதிப்படுத்தி உள்ளார். வேறு நடிகரை வைத்து பட வேலைகள் தொடங்கப்பலாம் என்று தெரிகிறது. கமலுக்கு பதில் விக்ரம் நடிக்க வாய்ப்பு உள்ளதாக தகவல் வெளியாகி உள்ளது.