Home » சட்டம் & அரசியல் » ஈராக்கில் அமெரிக்க படைவீரர்கள் குறைப்பு

ஈராக்கில் அமெரிக்க படைவீரர்கள் குறைப்பு

ஈராக்கில் ஐஎஸ் தீவிரவாதிகளின் ஆதிக்கம் அதிகமாக இருந்ததால், அவர்களை ஒடுக்க ஈராக் அரசு கடுமையான நடவடிக்கைகளை எடுத்தது.

👤 Sivasankaran10 Sep 2020 9:08 AM GMT
ஈராக்கில் அமெரிக்க படைவீரர்கள் குறைப்பு
Share Post

ஈராக் நாட்டில் உள்ள அமெரிக்க படைவீரர்களின் எண்ணிக்கையை குறைக்க அமெரிக்க அரசு திட்டமிட்டுள்ளது.

அமெரிக்காவின் அதிபராக ட்ரம்ப் பதவியேற்றது முதல் சிரியா, ஈராக் உள்ளிட்ட சில நாடுகளில் உள்ள அமெரிக்க ராணுவத்தை குறைக்கும் நடவடிக்கையை மேற்கொண்டார். கடந்த ஆண்டில் ஈரான் படை தளபதி சுலைமானி அமெரிக்க படை வீரர்களால் கொல்லப்பட்டதை தொடர்ந்து, இராக்கிலிருந்து அமெரிக்கப் படைகள் வெளியேற வேண்டும் என்று போராட்டம் வெடித்தது. அமெரிக்கத் தூதரகமும் தாக்குதலுக்கு உட்படுத்தப்பட்டது. ஈராக்கில் ஐஎஸ் தீவிரவாதிகளின் ஆதிக்கம் அதிகமாக இருந்ததால், அவர்களை ஒடுக்க ஈராக் அரசு கடுமையான நடவடிக்கைகளை எடுத்தது.

அமெரிக்கா 2003 ஆம் ஆண்டில் ஈராக் மீது போர் தொடுத்தது. படையெடுத்து 2011 ல் வெளியேறியது. ஆனால் ஐஎஸ்ஐஎஸ் நாட்டின் பெரும்பகுதியைக் கைப்பற்றிய பின்னர் 2014 இல் மீண்டும் ஈராக்கிற்கு திரும்பியது. ஈராக் படைகள் செய்துள்ள பெரும் முன்னேற்றத்தை அங்கீகரிக்கும் விதமாகவும், ஈராக் அரசாங்கத்துடனும் எங்கள் கூட்டணி கூட்டாளர்களுடனும் கலந்துரையாடி, ஒருங்கிணைப்புடன், செப்., மாதத்தில் ஈராக்கில் தமது துருப்புக்கள் இருப்பதை குறைக்க அமெரிக்கா முடிவு செய்துள்ளது. அமெரிக்காவும் ஈராக்கும் ஜூன் மாதத்தில் நாட்டில் அமெரிக்க துருப்புக்களை / படைவீரர்களை குறைப்பதற்கான தங்கள் உறுதிப்பாட்டை உறுதிப்படுத்தின.

ஐ.எஸ்.ஐ.எஸ்) என்ற ஆயுதக் குழுவை எதிர்த்துப் போராடுவதற்காக ஈராக்கில் சுமார் 5,200 படைவீரர்கள் அமெரிக்காவால் நிறுத்தப்பட்டுள்ளன. அமெரிக்கத் தலைமையிலான கூட்டணியில் உள்ள அதிகாரிகள், ஈராக் படைகள் இப்போது பெரும்பாலும் ஐ.எஸ்.ஐ.எஸ் எச்சங்களை தாங்களாகவே கையாள முடிகிறது. தொடர்ந்து, தற்போது ஈராக்கில் இருக்கும் அமெரிக்க படைவீரர்களின் எண்ணிக்கையை 5,200 முதல் 3000 ஆக குறைக்க அமெரிக்கா திட்டமிட்டுள்ளது.