Home » சட்டம் & அரசியல் » பாகிஸ்தானின் குற்றச்சாட்டுக்கு இந்தியா மறுப்பு

பாகிஸ்தானின் குற்றச்சாட்டுக்கு இந்தியா மறுப்பு

பாகிஸ்தானிய எல்லை பகுதிகளில் தாக்குதல்களை நடத்த திட்டமிட்டு உள்ளன.

👤 Sivasankaran16 Nov 2020 8:20 AM GMT
பாகிஸ்தானின் குற்றச்சாட்டுக்கு இந்தியா மறுப்பு
Share Post

பாகிஸ்தான் தலைநகர் இஸ்லாமாபாத்தில் நேற்று நடந்த செய்தியாளர்கள் சந்திப்பில் அந்நாட்டின் வெளியுறவு அமைச்சர் ஷா முகமது குரேஷி, ராணுவ செய்தி தொடர்பு அதிகாரி பாபர் இப்திகார் ஆகியோர் கலந்து கொண்டு பேசினர்.

இதில் குரேஷி கூறும்பொழுது, ஆப்கானிஸ்தான் நாட்டில் இருந்து இந்திய உளவு அமைப்புகள் செயல்பட்டு வருகின்றன. அவை பாகிஸ்தானிய எல்லை பகுதிகளில் தாக்குதல்களை நடத்த திட்டமிட்டு உள்ளன.

பாகிஸ்தானுக்கு எதிரான பயங்கரவாத ஊக்குவிப்புக்காக நிலம் பயன்பட இந்தியா அனுமதிக்கிறது. அண்டை நாடுகளில் இருந்து தாக்குதல்களை நடத்த இந்தியா திட்டமிட்டு உள்ளது என குற்றச்சாட்டாக கூறினார்.

தெற்காசிய நாடுகளில் எதிரியாக உள்ள இந்தியாவுக்கு எதிரான இந்த குற்றச்சாட்டுகளுக்கு எங்களிடம் மலையளவு சான்றுகளும் உள்ளன என பாகிஸ்தானிய அதிகாரிகள் தெரிவித்தனர். இந்த சான்றுகளை ஐ.நா. சபைக்கு அனுப்பி வைப்போம். உலக நாடுகளின் தலையீடு இன்றி தெற்காசியாவில் அமைதிக்கான உத்தரவாதம் ஏற்படுவது கடினம் என்றும் குரேஷி தெரிவித்தார்.

இதுதொடர்பாக இந்திய வெளியுறவு அமைச்சக செய்தி தொடர்பு அதிகாரி அனுராக் ஸ்ரீவஸ்தவா செய்தியாளர்களிடம், "பாகிஸ்தான் நாட்டின் நம்பிக்கையற்ற முயற்சி இது. பாகிஸ்தானின் தந்திரங்களை பன்னாட்டுச் சமூகம் நன்கு அறியும். பயங்கரவாதிகளுக்கு பாகிஸ்தான் நாடே நிதியுதவி வழங்கியது. இவை அனைத்தும் பாகிஸ்தானால் ஜோடிக்கப்பட்டவை. கற்பனையில் உருவானவை" என்று கூறினார்.