Home » சட்டம் & அரசியல் » டிரம்ப்பின் மேன்முறையீட்டினை நிராகரித்தது உச்ச நீதிமன்றம்

டிரம்ப்பின் மேன்முறையீட்டினை நிராகரித்தது உச்ச நீதிமன்றம்

டிரம்ப் இதுவரை தமது தோல்வியை ஏற்க மறுப்பு தெரிவித்து வருகின்றார்.

👤 Sivasankaran9 Dec 2020 6:09 PM GMT
டிரம்ப்பின் மேன்முறையீட்டினை நிராகரித்தது உச்ச நீதிமன்றம்
Share Post

பென்சில்வேனியா தேர்தல் முடிவுகள் குறித்த அமெரிக்க ஜனாதிபதி டிரம்ப்பின் மேன்முறையீட்டை அமெரிக்க உச்ச நீதிமன்றம் நிராகரித்துள்ளது.

எனினும், இந்த தீர்ப்பிற்கான காரணத்தை உச்ச நீதிமன்றம் தெளிவுபடுத்தவில்லை என சர்வதேச ஊடகங்கள் செய்தி வெளியிட்டுள்ளன.

அமெரிக்காவில் ஜனாதிபதி தேர்தல் நடைபெற்று ஒரு மாதம் கடந்துள்ள நிலையில், டிரம்ப் இதுவரை தமது தோல்வியை ஏற்க மறுப்பு தெரிவித்து வருகின்றார்.

முக்கிய தேர்தல் கல்லூரிகளில் பதிவான முடிவுகளுக்கு எதிர்ப்பு தெரிவித்து, டிரம்ப், மனு தாக்கல் செய்துள்ளார்.

நான்கு வருடங்களுக்கு முன்னர் பென்சில்வேனியாவை டிரம்ப் கைப்பற்றியிருந்த போதிலும் இம்முறை நடைபெற்ற தேர்தலில் ஜோ பைடன் அங்கு வெற்றி பெற்றுள்ளார்.