போர்ட் கிரெடிட்டில் துப்பாக்கிச் சூட்டில் ஒருவர் பலி

மிசிசாகாவின் போர்ட் கிரெடிட் பகுதியில் அதிகாலை நடந்த துப்பாக்கிச் சூட்டில் ஒருவர் உயிரிழந்தார். மற்றொருவர் மருத்துவமனையில் அனுமதிக்கப்பட்டுள்ளார்.

அவர்கள் எலிசபெத் தெரு மற்றும் லேக் ஷோர் சாலை பகுதிக்கு சுமார் 1 மணியளவில் அழைக்கப்பட்டதாக பீல் பிராந்திய காவல் துறை கூறுகிறது.

அங்கு வந்த காவல் துறையினர், காயங்களுடன் இருந்த இருவரைக் கண்டுபிடித்தனர். இருவரும் சிகிச்சை மையங்களுக்கு கொண்டு செல்லப்பட்டனர். ஒருவர் உயிரிழந்துள்ளார். இரண்டாவது மனிதரின் உடல்நிலை மதிப்பீட்டிற்காகக் காவல் துறை காத்திருக்கிறது.

போர்ட் கிரெடிட் பகுதியில் உள்ள ஒரு நிறுவனத்திற்கு வெளியே துப்பாக்கிச் சூடு நடத்தப்பட்டதாக காவல்துறை தெரிவித்துள்ளது.