Home » சட்டம் & அரசியல் » இந்தியாவில் மோசடி செய்துவிட்டு வெளிநாட்டுக்கு தப்பிய மோசடிக்காரர்களுக்கு உடந்தையாக இருந்த பாஜக அரசும் அதன் அமைச்சர்களும்

இந்தியாவில் மோசடி செய்துவிட்டு வெளிநாட்டுக்கு தப்பிய மோசடிக்காரர்களுக்கு உடந்தையாக இருந்த பாஜக அரசும் அதன் அமைச்சர்களும்

மோடியின் மிகவும் நெருங்கிய நன்பரும் பஞ்சாப் நேசனல் வங்கியில் 11,400 கோடி ஏப்பம் விட்டவருமான நீரவ் மோடி சுவிசர்லாந்துக்கு தப்பிச்சென்றுள்ளார். இவர் மட்டுமல்ல இந்த மோடி என்ற பெயரைக் கேட்டதும் இன்னோரு மோடி அதாவது லலித் மோடி பெயர் நினைவிற்கு வருமே!!

👤 Saravana Rajendran16 Feb 2018 5:53 AM GMT
இந்தியாவில் மோசடி செய்துவிட்டு வெளிநாட்டுக்கு தப்பிய மோசடிக்காரர்களுக்கு உடந்தையாக இருந்த பாஜக அரசும் அதன் அமைச்சர்களும்
Share Post

இவர் தப்பியதற்கு மத்திய அரசு உதவியது போலவே வேறு சிலருக்கும் மோடி அரசு உதவியுள்ளது. விஜய் மல்லையா, லலித் மோடி, தீபக் தல்வார் மற்றும் சஞ்சய் பண்டாரி ஆகியோர் பல்வேறு மோசடிகளை செய்து விட்டு வெளிநாட்டுக்கு சென்றுவிட்டனர்.

கிங்பிஷர் நிறுவனம் இந்தியாவில் உள்ள வங்கிகளில் ரூ.9000 கோடி கடனை பெற்றுவிட்டு கடந்த 2016-ஆம் ஆண்டு லண்டன் தப்பி சென்றவர் கிங்பிஷர் நிறுவனத்தின் உரிமையாளர் விஜய் மல்லையா. கடந்த 2016 மார்ச் மாதம் அவர் வெளிநாடு தப்பி செல்வதை நிறுத்த வேண்டும் என்று வங்கி நிர்வாகம் சுப்ரீம் கோர்ட்டை நாடின. எனினும் அவர் தப்பி சென்றார். அவர் இன்னும் லண்டனிலேயே உள்ளார். அவரை இந்தியாவுக்கு நாடு கடத்துவது குறித்து இந்திய காவல்துறை அதிகாரிகள் முயற்சி மேற்கொண்டு வருகின்றனர்.
எனினும் ஸ்காட்லாண்ட் யார்டு காவல்துறையால் கைது செய்யப்படுவது அடுத்த சில நிமிடங்களில் பினையில் வெளியே வருவதுமாக இருக்கிறார்.
ஐபிஎல் டீம் ஐ.பி.எல். போட்டியில் தொலைக்காட்சி உரிமம் வழங்கியது, இலவச வர்த்தக விளம்பரம், பாதுகாப்பு ஏற்பாடு ஆகியவற்றில் லலித் மோடி முறைகேடு செய்ததாக புகார் கூறப்பட்டது. அவர் மீது சென்னை காவல்துறைஆணையரிடம் இந்திய கிரிக்கெட் கட்டுப்பாட்டு வாரியம் (பி.சி.சி.ஐ.) ரூ.470 கோடி மோசடி புகார் கடந்த 2010-ஆம் ஆண்டில் கொடுத்துள்ளது.
இதைத் தொடர்ந்து அவரது பாஸ்போர்ட் கடந்தச 2011-ஆம் ஆண்டு முடக்கப்பட்டது. எனினும் தனது குடும்ப உறுப்பினர்களின் பாதுகாப்புக்காக வெளிநாடு செல்வதாக இங்கிலாந்து சென்றார். இவரது வெளிநாட்டுப்பயணத்திற்கு முழுக்க முழுக்க தற்போது வெளியுறவுத்துறை அமைச்சராக இருக்கும் சுஸ்மா சுவராஜ் உடந்தையாக இருந்துள்ளார்.
. பெருநிறுவன ஆலோசகர் பெருநிறுவனங்களின் ஆலோசகராக உள்ள தீபக் தல்வார் மீது வருமான வரித்துறை 5 வழக்குகளை பதிவு செய்துள்ளது. அவருக்கு சொந்தமான தன்னார்வ அமைப்புக்கு கிடைத்த ரூ.90 கோடியை தவறாக பயன்படுத்தியது, வரி ஏய்ப்பு செய்தது உள்ளிட்ட மோசடிகள் உள்ளன. தற்போது அவர் ஐக்கிய அரபு அமீரகத்தில் உள்ளார். இங்கிலாந்து, அரபு நாடுகளில் 150 கோடி ரூபாய் மதிப்பில் சொத்துக்கள் வாங்கியதை மறைத்ததாக இவர் மீது வழக்குப் பதிவு செய்யப்பட்டது.