Home » சட்டம் & அரசியல் » பெங்களூரில் தமிழர்களை நம்பி வேட்பாளரை களமிறக்கிய காங்கிரஸின் சித்தராமையா

பெங்களூரில் தமிழர்களை நம்பி வேட்பாளரை களமிறக்கிய காங்கிரஸின் சித்தராமையா

கர்நாடகா சட்டமன்ற தேர்தலுக்கான பிரச்சாரம் சூடுபிடித்து வருகின்றன. வரும் 12ம் தேதி தேர்தல் நடக்கவுள்ள ...

👤 Saravana Rajendran9 May 2018 4:30 PM GMT
பெங்களூரில் தமிழர்களை நம்பி வேட்பாளரை களமிறக்கிய காங்கிரஸின் சித்தராமையா
Share Post

கர்நாடகா சட்டமன்ற தேர்தலுக்கான பிரச்சாரம் சூடுபிடித்து வருகின்றன. வரும் 12ம் தேதி தேர்தல் நடக்கவுள்ள நிலையில், பிரச்சாரம் நடைப்பெற்று வருகின்றது.
கர்நாடகாவில் அதிமுக 3 தொகுதிகளில் தமிழர்கள் போட்டியிடுகின்றது என்ற போதிலும், ஆட்சியைப் பிடிக்குமளவு பெரிய கட்சியான பாஜக, காங்கிரஸ் மற்றும் மதசார்பற்ற ஜனதாதளம் (மஜத) ஆகிய கட்சிகளில் 2 வேட்பாளர் மட்டுமே போட்டியிடுகின்றனர்.
கோலார் தங்கவயல் தொகுதிகளில் முன்னாள் அதிமுக எம்.எல்.ஏ.,வும் தமிழரான பக்தவச்சலம் தற்போது மஜத கட்சி சார்பாக போட்டியிட வாய்ப்பு வழங்கப்பட்டுள்ளது.
அதே போல் பெங்களூருவின் சிவி நகர் தொகுதியில் தற்போதைய மேயரான சம்பத் ராஜ் என்ற தமிழருக்கு காங்கிரஸ் சார்பில் போட்டியிட வாய்ப்பு வழங்கப்பட்டுள்ளது. பாஜக சார்பில் எந்த தமிழருக்கும் வாய்ப்பு வழங்கப்படவில்லை.
தமிழர் சம்பத் குமார் மீது நம்பிக்கை :
கடந்த முறை இந்த தொகுதியில் பாஜக 50.25 சதவீத வாக்குகளும், காங்கிரஸ் 42.33 % வாக்குகளும் பெற்றன. பாஜக சார்பில் போட்டியிட்ட ரகு 53,364 வாக்குகள் பெற்று வெற்றி பெற்றார். காங்கிரஸ் சார்பாக போட்டியிட்ட பி.ரமேஷ் 8,419 வாக்குகள் என்ற மிக குறைவான வாக்கு வித்தியாசத்தில் தோல்வியடைந்தார்.
தற்போது பி ரமேஷ் மஜத சார்பில் அதே தொகுதியில் போட்டியிடுகின்றார்.
இந்திரா நகர், பையப்பனஹல்லி, ஜீவன் பீமாநகர், கக்கதாசபுரா உள்ளிட்ட பிரபல ஏரியாக்களில் ஐடி துறை போன்ற நிறுவனங்களில் பணிபுரியும் மேல்தட்டு தமிழர்கள் அதிகம்பேர் அங்கு வசிக்கின்றனர். இதனால் தமிழர்களில் அதிக வாக்குகளை ஈர்க்கும் பொருட்டு தற்போதைய முதல்வர் சித்தராமையா காங்கிரஸ் கட்சி சார்பாக மேயர் சம்பத் ராஜை இத்தொகுதியில் போட்டியிட வைத்துள்ளார்.
2 லட்சத்து 20,313 வாக்காளர்களை கொண்ட மிகப்பெரிய தொகுதியான சிவி ராமன் நகர் தொகுதியில் காங்கிரஸ் சார்பாக களமிறக்கப்படும் சம்பத் ராஜ் வெற்றி பெற்றால் அது மிகப்பெரிய வெற்றியாக தான் பார்க்கப்படும்.
தமிழ் அமைப்பினர், தமிழ் வாக்காளர் ஆதரவு கொடுத்தால் மட்டுமே அந்த தொகுதியில் வெற்றி வாய்ப்பு ஏற்படும் என்பதால், தமிழருக்கு தமிழர் வாக்களித்து வெற்றிவாய்ப்பை வழங்குவார்களா என பொறுத்திருந்து தான் பார்க்க வேண்டும்.