Home » விஞ்ஞானம் & தொழில்நுட்பம் » சமூக ஊடகங்களை ஒழுங்குபடுத்த சிறிலங்கா புதிய சட்டங்களை அறிமுகப்படுத்தவுள்ளது

சமூக ஊடகங்களை ஒழுங்குபடுத்த சிறிலங்கா புதிய சட்டங்களை அறிமுகப்படுத்தவுள்ளது

கொழும்பிலுள்ள ஜனாதிபதி செயலகத்தில் பத்திரிகை ஆசிரியர்கள் மற்றும் இலத்திரனியல் ஊடகங்களின் செய்திப் பணிப்பாளர்களுடன் இடம்பெற்ற கலந்துரையாடலின் போதே ஜனாதிபதி இதனைத் தெரிவித்தார்.

👤 Sivasankaran7 Jan 2023 1:19 PM GMT
சமூக ஊடகங்களை ஒழுங்குபடுத்த சிறிலங்கா புதிய சட்டங்களை அறிமுகப்படுத்தவுள்ளது
Share Post

யூடியூப், முகநூல் உள்ளிட்ட சமூக ஊடக தளங்களை ஒழுங்குபடுத்துவதற்காக சிங்கப்பூரில் தற்போது பயன்படுத்தப்படும் தொலைத்தொடர்பு மற்றும் சமூக ஊடகச் சட்டத்தைப் போன்ற சட்டத்தை அறிமுகப்படுத்த அரசாங்கம் நடவடிக்கை எடுத்து வருவதாக ஜனாதிபதி ரணில் விக்கிரமசிங்க தெரிவித்துள்ளார்.

கொழும்பிலுள்ள ஜனாதிபதி செயலகத்தில் பத்திரிகை ஆசிரியர்கள் மற்றும் இலத்திரனியல் ஊடகங்களின் செய்திப் பணிப்பாளர்களுடன் இடம்பெற்ற கலந்துரையாடலின் போதே ஜனாதிபதி இதனைத் தெரிவித்தார்.

சில சமூக ஊடக ஆர்வலர்களின் செயற்பாடுகள் தொடர்பில் அரசாங்கம் பின்பற்றும் வேலைத்திட்டங்கள் குறித்த கேள்விக்கு பதிலளித்த போது, சிறிலங்காவில் பத்திரிகைகள் மற்றும் மின்னணு ஊடகங்களுக்கு சட்டங்கள் இருந்தாலும், நாட்டில் சமூக ஊடகங்களை ஒழுங்குபடுத்துவதற்கு அவ்வாறான சட்ட கட்டமைப்பில்லை என ஜனாதிபதி தெரிவித்தார்.

இதன் விளைவாக சிங்கப்பூரில் தற்போது நடைமுறையில் உள்ள தொலைத்தொடர்பு மற்றும் சமூக ஊடகச் சட்டத்தை தாம் கொண்டு வந்துள்ளதாகவும், அதனை ஆராய்ந்து எதிர்காலத்தில் சிறிலங்காவுக்கு ஏற்ற சட்ட கட்டமைப்பை தயாரிப்பதற்கு எதிர்பார்ப்பதாகவும் ஜனாதிபதி தெரிவித்தார்.