Home » உலகச் செய்திகள் » சிறையில் உடல்நலக்குறைவால் அவதி - நவாஸ் செரீப் ஜாமீன் கேட்டு மனு

சிறையில் உடல்நலக்குறைவால் அவதி - நவாஸ் செரீப் ஜாமீன் கேட்டு மனு

அல்-அஜீதா இரும்பாலை முறைகேடு வழக்கில் பாகிஸ்தான் முன்னாள் பிரதமர் நவாஸ் செரீப்புக்கு 7 ஆண்டுகள் சிறை தண்டனை விதிக்கப்பட்டது.

👤 Sivasankaran27 Jan 2019 5:18 PM GMT
சிறையில் உடல்நலக்குறைவால் அவதி - நவாஸ் செரீப் ஜாமீன் கேட்டு மனு
Share Post

அல்-அஜீதா இரும்பாலை முறைகேடு வழக்கில் பாகிஸ்தான் முன்னாள் பிரதமர் நவாஸ் செரீப்புக்கு 7 ஆண்டுகள் சிறை தண்டனை விதிக்கப்பட்டது. அதைத் தொடர்ந்து அவர் லாகூரில் உள்ள கோட்லக்பத் சிறையில் அடைக்கப்பட்டுள்ளார்.

அங்கு அவருக்கு திடீரென உடல் நலக்குறைவு ஏற்பட்டது. எனவே டாக்டர்கள் குழு அவரை பரிசோதனை நடத்தியது. அப்போது அவருக்கு இருதயநோய், நீரிழிவு மற்றும் உயர் ரத்த அழுத்தம் இருப்பது தெரியவந்தது.

அதைத் தொடர்ந்து சிறையில் வைத்து அவருக்கு சிகிச்சை அளிக்கப்பட்டது. ஆனால் குணமாகாமல் தொடர்ந்து அவர் அவதிப்பட்டு வருகிறார்.

தற்போது ஜாமீன் தேவை என்று மனு செய்துள்ளார். "நவாஸ்செரீப்பின் உடல்நிலை மிகவும் மோசம் அடைந்துள்ளதால் அவருக்கு உடனடியாக சிகிச்சை தேவைப்படுகிறது. எனவே அவருக்கு ஜாமீன் வழங்க வேண்டும்" என்று மனுவில் கூறப்பட்டுள்ளது.