Home » உலகச் செய்திகள் » எதிர்வரும் ஜனாதிபதி தேர்தலில் வெளிநாடுகளின் தலையீடு இருக்காது - பசில் ராஜபக்ஸ

எதிர்வரும் ஜனாதிபதி தேர்தலில் வெளிநாடுகளின் தலையீடு இருக்காது - பசில் ராஜபக்ஸ

எதிர்வரும் ஜனாதிபதி தேர்தலில் வெளிநாடுகளின் தலையீடு இருக்காது என தான் எண்ணுவதாக ஸ்ரீலங்கா பொதுஜன...

👤 Sivasankaran14 Oct 2019 5:01 PM GMT
எதிர்வரும் ஜனாதிபதி தேர்தலில் வெளிநாடுகளின் தலையீடு இருக்காது - பசில் ராஜபக்ஸ
Share Post

எதிர்வரும் ஜனாதிபதி தேர்தலில் வெளிநாடுகளின் தலையீடு இருக்காது என தான் எண்ணுவதாக ஸ்ரீலங்கா பொதுஜன முன்னணியின் தேசிய அமைப்பாளரும் முன்னாள் அமைச்சருமான பசில் ராஜபக்ஸ தெரிவித்துள்ளார். தி ஹிந்து பத்திரிகைக்கு வழங்கிய செவ்வியில் அவர் இதனை கூறியுள்ளார்.

கடந்த 2015 ஆம் ஆண்டு ஜனாதிபதி தேர்தலின் போது எந்தவொரு தரப்புக்கும் அரசாங்கத்தை மாற்றுவதற்கு எண்ணம் இருந்திருக்குமானால் அதற்கான காரணத்தை தற்போது நன்கு உணர்ந்துள்ளதாகவும் அவர் கூறியுள்ளார்.

கடந்த 2015 ஆம் ஆண்டில் தமது அரசங்கத்தை மாற்றுவதற்கு இந்தியா அல்லது வேறு நாடுகள் அப்போதைய எதிர்க் கட்சிக்கு ஆதரவளித்தமை குறித்த எந்தவித தனிப்பட்ட சாட்சியங்களும் தன்னிடம் இல்லை எனவும் அவர் குறிப்பிட்டுள்ளார்.

இலங்கையின் அயல் மற்றும் நட்பு நாடு என்ற வகையில் பாதுகாப்பு, அரசியல் நிலைப்பாடுகளில் இந்தியாவுடன் ஒத்துழைத்து செயற்படுவது அத்தியாவசியம் எனவும் அவர் தெரிவித்துள்ளார்.

அதேபோல் பொருளாதார ரீதியில் சீனாவுடன் இணைந்து செயற்படுவதும் முக்கியமானது எனவும் பசில் ராஜபக்ஸ அந்த செவ்வியில் கூறியுள்ளார்