Home » உலகச் செய்திகள் » அறுவை சிகிச்சையின் போது புல்லாங்குழல் வாசித்த நோயாளி!

அறுவை சிகிச்சையின் போது புல்லாங்குழல் வாசித்த நோயாளி!

அமெரிக்காவில் 63 வயது மூதாட்டி ஒருவர். மூளையில் ஆபரேசன் நடந்தபோது, புல்லாங்குழல் வாசித்து மருத்துவர்களை வியப்பில் ஆழ்த்தியுள்ளார்

👤 Saravana Rajendran6 April 2018 4:14 AM GMT
அறுவை சிகிச்சையின் போது புல்லாங்குழல் வாசித்த நோயாளி!
Share Post

அமெரிக்காவின் டெக்காஸ் பகுதியைச் சேர்ந்தவர் அன்னா ஹென்றி என்ற முதியவயது பெண்மணி. புல்லாங்குழல் இசைக்கலைஞரான இவருக்கு மூளையில் கட்டி உண்டானது. அன்னாவைச் சோதித்த மருத்துவர்கள், அறுவைச் சிகிச்சை செய்தால் மட்டுமே அவர் உயிர் பிழைக்க வாய்ப்பு எனக் கூறிவிட்டனர்
எனவே, ஹூஸ்டனில் உள்ள ஹெர்மான்-எட்க்சாஸ் மருத்துவமனையில் அவருக்கு அறுவைச் சிகிச்சை நடைபெற்றது. அப்போது, படுக்கையில் படுத்தபடி அன்னா புல்லாங்குழல் வாசித்தபடி இருந்தார். இது அங்கிருந்த மருத்துவர்களை ஆச்சர்யத்தில் ஆழ்த்தியது. மூளையில் இது போன்ற சிக்கலான அறுவைச் சிகிச்சைகள் செய்யப்படும் போது, நோயாளியை ஆழ்ந்த தியான நிலைக்கு கொண்டு செல்ல இதுபோன்ற செயல்களில் ஈடுபட வைப்பது வழக்கம். ஆனால், 63 வயதான அன்னா, ஒருபுறம் மருத்துவர்கள் மூளையில் அறுவைச் சிகிச்சை செய்து கொண்டிருந்தபோது, தடுமாற்றம் ஏதுமின்றி கைகளில் புல்லாங்குழலை பிடித்து இசைத்தபடி இருந்தது குறிப்பிடத்தக்கது. இது தொடர்பான வீடியோ யூடியூப்பில் பதிவேற்றம் செய்யப்பட்டுள்ளது.