பங்குச் சந்தையின் மிகப்பெரிய ஊழல் குறித்தான விசாரணை வேண்டும்: ராகுல் காந்தி கோரிக்கை
தேர்தலுக்கு பிந்தைய கருத்துக்கணிப்புகள் அறிவிக்கப்படுவதற்கு ஒரு நாள் முன்பு முதலீடு செய்து 5 கோடி சம்பளம் கொடுத்து பெரும் லாபம் சம்பாதித்த பாஜகவுக்கும், போலி கருத்துக் கணிப்பாளர்களுக்கும் என்ன தொடர்பு?
![](https://tamil.voiceforjustice.ca/uploads/ragul-31.jpg)
பங்குச் சந்தை ஊழல் குறித்து நாடாளுமன்றக் கூட்டுக்குழு விசாரணை நடத்த வேண்டும் என்று காங்கிரஸ் தலைவர் ராகுல் காந்தி வலியுறுத்தியுள்ளார்.
பங்குச் சந்தையில் முதலீடு செய்யும் ஐந்து கோடி குடும்பங்களுக்கு பிரதமரும், மத்திய உள்துறை அமைச்சரும் குறிப்பிட்ட முதலீட்டு ஆலோசனைகளை வழங்கியது ஏன்? முதலீட்டு ஆலோசனை வழங்குவது அவர்களின் வேலையா? பங்குகளை தில்லுமுல்லு செய்ததற்காகச் செபி விசாரணையில் உள்ள ஒரே வணிகக் குழுமத்திற்கு சொந்தமான ஒரே ஊடகத்திற்கு இரண்டு நேர்காணல்களும் ஏன் வழங்கப்பட்டன? ராகுல் காந்தி செய்தியாளர் சந்திப்பில் கூறியதாவது:
தேர்தலுக்கு பிந்தைய கருத்துக்கணிப்புகள் அறிவிக்கப்படுவதற்கு ஒரு நாள் முன்பு முதலீடு செய்து 5 கோடி சம்பளம் கொடுத்து பெரும் லாபம் சம்பாதித்த பாஜகவுக்கும், போலி கருத்துக் கணிப்பாளர்களுக்கும் என்ன தொடர்பு?
"நாங்கள் இது குறித்து நாடாளுமன்றக் கூட்டுக்குழு விசாரணையைக் கோருகிறோம். இது ஒரு மோசடி என்று நாங்கள் நம்புகிறோம். யாரோ இந்திய சில்லறை முதலீட்டாளர்களின் செலவில் ஆயிரக்கணக்கான கோடி ரூபாய் சம்பாதித்துள்ளனர், பிரதமரும் மத்திய உள்துறை அமைச்சரும் வாங்குவதற்கான குறிப்பைக் கொடுத்துள்ளனர். எனவே இது குறித்து விசாரிக்க நாடாளுமன்ற கூட்டுக்குழு அமைக்க வேண்டும் என்று இன்று கோருகிறோம் என்று ராகுல் காந்தி தெரிவித்துள்ளார்.