டாம் குரூசை வலுக்கட்டாயமாக முத்தமிட்ட பெண்ணால் சர்ச்சை
பாத்திரங்கள் தலைகீழாக மாற்றப்பட்டால் என்ன நடக்கும் என்பதைப் பார்க்க வெறுக்கிறேன்" என்று ஒரு எக்ஸ் பயனர் காணொலிக் கருத்து தெரிவித்தார்.
பாரிஸ் ஒலிம்பிக் 2024 இன் நிறைவு விழாவில் ஹாலிவுட் நடிகர் டாம் குரூஸ் ஸ்டேட் டி பிரான்சின் கூரையில் இருந்து கீழே இறங்கியபோது 71,500 பார்வையாளர்களை கவர்ந்தார். இருப்பினும், ஒரு பெண் அவரை பிடித்து வலுக்கட்டாயமாக முத்தமிட்டபோது நடிகரே திகைத்துப் போனார். இந்தச் சம்பவம் தொடர்பான காணொலி சமூக வலைதளங்களில் வைரலாக பரவி வருகிறது.
காணொலியில், டாப் கன் மேவரிக் திரைப்பட நட்சத்திரம் ரசிகர்களால் சூழப்படுகிறார். அவர் மைதானத்தின் வழியாக நடந்து செல்லும்போது அவருடன் தற்படம் (செல்ஃபி) எடுக்க முயற்சிக்கின்றனர். இதற்கிடையில், ஒரு பெண் அவரைப் பிடித்து, கன்னத்தில் முத்தமிட்டு, அதை தனது தொலைபேசியில் பதிவு செய்கிறார்.
இந்தக் காணொலி சமூக ஊடகப் பயனர்களின் கவனத்தை ஈர்த்ததால், அவர்கள் அந்தப் பெண்ணின் நடத்தைக்கு ஆட்சேபம் தெரிவித்தனர், மேலும் பாத்திரங்கள் மாற்றப்பட்டிருந்தால் அது எவ்வாறு பெரிய பிரச்சினையாக இருந்திருக்கும் என்று விவாதித்தனர்.
"பாத்திரங்கள் தலைகீழாக மாற்றப்பட்டால் என்ன நடக்கும் என்பதைப் பார்க்க வெறுக்கிறேன்" என்று ஒரு எக்ஸ் பயனர் காணொலிக் கருத்து தெரிவித்தார். "அவள் சம்மதம் கேட்டாளா?" என்று மற்றொருவர் எழுதினார். "ஒலிம்பிக்கில் பணிபுரியும் போது டாம் குரூஸ் முத்தமிடப்படுவதைப் பார்த்து மக்கள் சிரிக்கும் அளவு அருவருப்பானது. அதுவே பெண் பிரபலமாக இருந்தால் சலசலப்பு ஏற்படும். அவர் விரும்பினாலும் விரும்பாவிட்டாலும் அது நடந்திருக்கக் கூடாது! " என்று ஒரு பயனர் கருத்து தெரிவித்தார்.
