தில்லி காவல்துறை இந்து சேனாவின் ‘மகாபஞ்சாயத்தை’ நடுவழியில் நிறுத்தியது.
“1947ல் நாடு மத அடிப்படையில் பிரிக்கப்பட்டது. ஒரு முஸ்லீம் இங்கு இருக்கும் வரை பிரிவினை முழுமையடையாது” என்று குப்தா கூறினார்.
ஞாயிற்றுக்கிழமை நியூஸ் தில்லியின் ஜந்தர் மந்தரில் இந்து சேனா மற்றும் வேறு சில குழுக்களால் ஏற்பாடு செய்யப்பட்ட 'மகாபஞ்சாயத்', ஹரியானாவின் நூஹில் சமீபத்தில் நடந்த வகுப்புவாத வன்முறை தொடர்பாக, யதி நரசிங்கானந்த் உட்பட சில பேச்சாளர்கள் ஆவேசமான பேச்சுக்களை பேசியதை அடுத்து, காவல்துறையால் நடுவழியில் நிறுத்தப்பட்டது.
காவல் துறை அதிகாரியின் கூற்றுப்படி, எந்தவொரு குறிப்பிட்ட மதத்தைப் பற்றியும் எதுவும் கூற வேண்டாம் என்று காவல்துறை அந்த அமைப்பாளர்களை கேட்டுக் கொண்டனர். ஆனால் அவர்கள் எரிச்சலூட்டும் பேச்சுகளைப் பேசினார். அதன் பிறகு, அவர்கள் நிகழ்வை நிறுத்துமாறு அறிவுறுத்தப்பட்டதாகப் பிடிஐ செய்தி நிறுவனம் தெரிவித்துள்ளது.
அகில இந்திய சனாதன் அறக்கட்டளை மற்றும் பிற அமைப்புகளால் ஏற்பாடு செய்யப்பட்ட 'மகாபஞ்சாயத்தில்' உரையாற்றிய யதி நரசிங்கானந்த், “இந்துக்களின் மக்கள்தொகை குறைந்து, முஸ்லிம்களின் எண்ணிக்கை இப்படி வளர்ந்தால், ஆயிரம் ஆண்டுகளின் வரலாறு மீண்டும் மீண்டும் நிகழும். அப்போது பாகிஸ்தானிலும், வங்கதேசத்திலும் உள்ள இந்துக்களுக்கு நடந்ததுதான் இங்கும் மீண்டும் நிகழும்.
அவர் பேசுகையில், அவரது பேச்சுக்கு காவல் துறை அதிகாரி எதிர்ப்பு தெரிவித்தார்.
அப்போது இந்து சேனாவை சேர்ந்த விஷ்ணு குப்தா மேடை ஏறினார். நூஹ் மற்றும் மேவாத் ஆகியவை "ஜிஹாதிகள் மற்றும் பயங்கரவாதிகளின் கோட்டைகளாக" மாறிவிட்டதாகவும், இந்திய ராணுவம் மற்றும் சிஆர்பிஎஃப் முகாம்கள் அங்கு அமைக்கப்பட வேண்டும் என்றும் அவர் கோரினார்.
“1947ல் நாடு மத அடிப்படையில் பிரிக்கப்பட்டது. ஒரு முஸ்லீம் இங்கு இருக்கும் வரை பிரிவினை முழுமையடையாது” என்று குப்தா கூறினார்.
அவர் பேசும்போது, காவல் துறை அதிகாரி மீண்டும் தலையிட்டு, பங்கேற்பாளர்களை இடத்தை விட்டு வெளியேறச் சொன்னார்.
