'பாஜகவின் தேர்தலுக்கு முந்தைய நாடகம் தான் பூஞ்ச் தாக்குதல்': காங்கிரசின் சரண்ஜித் சன்னி குற்றச்சாட்டு
தேர்தலைத் திசைதிருப்ப இதுபோன்ற சம்பவங்களைப் பாஜக தூண்டிவிடுவதாக குற்றம் சாட்டிய அவர், இதுபோன்ற தாக்குதல்கள் முன்கூட்டியே திட்டமிடப்பட்டு பாஜகவின் தேர்தல் வாய்ப்புகளை மேம்படுத்துவதற்காக செயல்படுத்தப்படுகின்றன என்று குற்றம் சாட்டினார்.
ஜம்மு-காஷ்மீரின் பூஞ்ச் மாவட்டத்தில் இந்திய விமானப்படை (ஐ.ஏ.எஃப்) வாகனத் தொடரணி மீது சமீபத்தில் நடந்த பயங்கரவாத தாக்குதல் பாஜகவின் தேர்தலுக்கு முந்தைய நாடகம் என்று காங்கிரஸ் தலைவரும் பஞ்சாப் முன்னாள் முதல்வருமான சரண்ஜித் சிங் சன்னி ஞாயிற்றுக்கிழமை கூறியது சர்ச்சையை ஏற்படுத்தியது.
"இவை அனைத்தும் நாடகங்கள், பயங்கரவாத தாக்குதல்கள் அல்ல. இவை பாஜகவின் தேர்தலுக்கு முந்தைய நாடகமே தவிர வேறொன்றுமில்லை. அதில் எந்த உண்மையும் இல்லை. பாஜக மக்களின் உயிருடனும் உடலுடனும் விளையாடுகிறது" என்று முன்னாள் முதல்வர் கூறினார்.
தேர்தலைத் திசைதிருப்ப இதுபோன்ற சம்பவங்களைப் பாஜக தூண்டிவிடுவதாக குற்றம் சாட்டிய அவர், இதுபோன்ற தாக்குதல்கள் முன்கூட்டியே திட்டமிடப்பட்டு பாஜகவின் தேர்தல் வாய்ப்புகளை மேம்படுத்துவதற்காக செயல்படுத்தப்படுகின்றன என்று குற்றம் சாட்டினார்.
தேர்தல் வரும்போதெல்லாம் இதுபோன்ற நாடகம் அரங்கேறுகிறது. கடந்த பொதுத் தேர்தலின் போதும் இதேபோன்ற தாக்குதல்கள் நடந்தன என்றார்.
