மல்வத்து ஓயாவின் தாழ்நிலப் பகுதிகளுக்கு சிவப்பு வெள்ள அபாய எச்சரிக்கை விடுப்பு
நீரில் மூழ்கியுள்ள சாலைகள் மிகவும் பாதிக்கப்படக் கூடியதாகவும், கடப்பதற்கு ஆபத்தானதாகவும் மாறும் அபாயம் உள்ளதாக திணைக்களம் எச்சரித்துள்ளது.
மல்வத்து ஓயா பள்ளத்தாக்கின் பல தாழ்நிலப் பகுதிகளுக்கு 2025 ஜனவரி 21 ஆம் திகதி மாலை 4.30 மணி வரை நடைமுறைக்கு வரும் வகையில் நீர்ப்பாசன திணைக்களம் 'சிவப்பு' வெள்ள அபாய எச்சரிக்கையை விடுத்துள்ளது.
நேற்றுமாலை 4.00 மணி நிலவரப்படி மல்வத்து ஓயாவின் மேல் மற்றும் மத்திய நீரோட்டப் பகுதிகளில் கணிசமான மழைப் பொழிவு பதிவாகியுள்ளதாக காவல்துறையினர் தெரிவித்துள்ளனர். நாச்சதுவ நீர்த்தேக்கத்தில் வினாடிக்கு 3,700 கன அடி வீதம் நீர்க்கசிவு ஏற்பட்டு வருகிறது.
மல்வத்து ஓயாவில் உள்ள நீரியல் நிலையங்களின் நிலைமை மற்றும் ஆற்று நீர் மட்டங்களை பகுப்பாய்வு செய்வதன் மூலம், வெங்கலச்செட்டிகுளம், மடு, முசலாய் மற்றும் நானாடன் பிரதேச செயலக பிரிவுகளில் அமைந்துள்ள மல்வத்து ஓயா பள்ளத்தாக்கின் தாழ்நிலப்பகுதிகளில் பாரிய வெள்ள நிலைமை ஏற்படுவதற்கான சாத்தியம் இருப்பதாக எச்சரிக்கப்பட்டுள்ளது.
இதனால், ஏற்கெனவே நீரில் மூழ்கியுள்ள சாலைகள் மிகவும் பாதிக்கப்படக் கூடியதாகவும், கடப்பதற்கு ஆபத்தானதாகவும் மாறும் அபாயம் உள்ளதாக திணைக்களம் எச்சரித்துள்ளது. இது தொடர்பில் உரிய முன்னெச்சரிக்கை நடவடிக்கைகளை மேற்கொள்ளுமாறு பேரிடர் முகாமைத்துவ அதிகாரிகள் கேட்டுக்கொள்ளப்படுகிறார்கள்.
