கற்பழிப்பு குற்றச்சாட்டுக்கு ஆளான சிறிலங்கா கிரிக்கெட் வீரருக்கு வெற்றி
கிரிக்கெட் வீரர் ஆஸ்திரேலியாவிற்குள் பயணம் செய்யத் திட்டமிட்டால், தனது பயணத்தின் காலம், இடம் மற்றும் பயணத் திட்டம் ஆகியவற்றைக் குறைந்தது 48 மணிநேரத்திற்கு முன்னதாக காவல் துறைக்கு அறிவிக்க வேண்டும் என்று அவர் நிபந்தனை விதித்தார்.
எட்டு மாதங்களுக்கும் மேலாக அவுஸ்திரேலியாவில் சிக்கித் தவிக்கும் சிறிலங்கா கிரிக்கெட் நட்சத்திரம் பிணை நிபந்தனைகள் தளர்த்தப்பட்டதையடுத்து உள்நாட்டில் பயணம் செய்ய அனுமதிக்கப்படுவார்.
தனுஷ்க குணதிலக்க செவ்வாய்க்கிழமை சிட்னி டவுனிங் சென்டர் மாவட்ட நீதிமன்றத்தில் ஆஜர்படுத்தப்பட்டபோது, தனது பிணையில் விடுவிக்குமாறு நீதிமன்றத்திடம் கோரும் போது, கறுப்புக் காற்சட்டை மற்றும் கறுப்பு நிற கனமான மேலங்கி அணிந்திருந்தார்.
கடந்த ஆண்டு டி20 உலகக் கோப்பைக்காக அவர் நாட்டில் இருந்தபோது சிட்னி வீட்டில் ஒரு பெண்ணை பாலியல் பலாத்காரம் செய்ததாக தொடரப்பட்ட வழக்கில் அவர் 'குற்றவாளி அல்ல' என்று மனுச் செய்தார்.
கிரிக்கெட் வீரர் கடந்த ஆண்டு நவம்பரில் தனது அணி வீரர்களுடன் சிறிலங்காவுக்குச் செல்ல தயாராக இருந்தபோது கைது செய்யப்பட்டு குற்றம் சாட்டப்பட்டார். பின்னர் அவர் நாட்டை விட்டு வெளியேற விடாமல் தடுக்கப்பட்டார்.
நவம்பர் 17ஆம் தேதி, கடவுச்சீட்டை ஒப்படைத்துவிட்டு, எந்த ஒரு சர்வதேசப் பயணப் புள்ளியையும் அணுகக்கூடாது என்ற கடுமையான நிபந்தனைகளுடன் அவருக்கு பிணை வழங்கப்பட்டது.
செவ்வாயன்று, 32 வயதான அவர், இந்த மாதம் இரண்டு முறை ஆஸ்திரேலியாவிற்குள் பயணம் செய்ய அனுமதிக்கும் வகையில் தனது பிணையை மாற்றுமாறு நீதிமன்றத்திடம் கோரினார்.
இந்த வாரத்தில் நான்கு நாட்களுக்கும், மாத இறுதியில் நான்கு நாட்களுக்கும் பன்னாட்டுப் புறப்பாடு புள்ளிகளை அணுகுவதற்கான தடையை இடைநிறுத்துவதற்கு திரு குணதிலக்கவை அனுமதிப்பதற்கு பதில் நீதிபதி கிரேம் ஹென்சன் ஒப்புக்கொண்டார்.
கிரிக்கெட் வீரர் ஆஸ்திரேலியாவிற்குள் பயணம் செய்யத் திட்டமிட்டால், தனது பயணத்தின் காலம், இடம் மற்றும் பயணத் திட்டம் ஆகியவற்றைக் குறைந்தது 48 மணிநேரத்திற்கு முன்னதாக காவல் துறைக்கு அறிவிக்க வேண்டும் என்று அவர் நிபந்தனை விதித்தார்.
இருப்பினும், 32 வயதான அவர் இன்னும் வாரத்திற்கு மூன்று முறை காவல் துறைக்கு புகாரளிக்க வேண்டும். அவர் ஒரு மொபைல் போன் மட்டுமே வைத்திருக்க அனுமதிக்கப்படுகிறார்.
அவர் மீதான குற்றச்சாட்டுகள் காரணமாக அவர் காதல்-உடன்போக்குத் (டேட்டிங்) தளங்கள் அல்லது பயன்பாடுகளைப் பயன்படுத்த தடை விதிக்கப்பட்டுள்ளது.
