லண்டன் தபால் நிலையத்தில் துப்பாக்கியைக் காட்டி இந்திய வம்சாவளி இளைஞர் கொள்ளை
போலித் துப்பாக்கியுடன் கொள்ளை நடந்த மூன்று நாட்களுக்குப் பிறகு ஹவுன்ஸ்லோவில் உள்ள அவரது இல்லத்தில் இருந்து ராஜ்விந்தர் கஹ்லோனை மெட் காவல்துறையினர் கைது செய்தனர்.
லண்டன் தபால் நிலையத்தில் போலி துப்பாக்கியை காட்டி ஊழியர்களை மிரட்டி இந்திய வம்சாவளியைச் சேர்ந்த 41 வயது இளைஞர் கொள்ளையடித்த சம்பவம் அதிர்ச்சியை ஏற்படுத்தியுள்ளது. இந்தக் குற்றம் ஏப்ரல் 1 ஆம் தேதி நடந்தது.
மேற்கு லண்டனில் உள்ள ஹவுன்ஸ்லோவில் உள்ள ஒரு தபால் நிலையத்தில் இரண்டு ஊழியர்களைத் துப்பாக்கியைக் காட்டி மிரட்டி ஏராளமான பணத்தை எடுத்துக் கொண்டு ராஜ்விந்தர் கஹ்லோன் தப்பிச் சென்றார். பின்னர் அந்த துப்பாக்கி போலியானது என தெரியவந்தது.
அவர் மீது £136,000 கொள்ளை மற்றும் போலி துப்பாக்கி வைத்திருந்ததாகக் குற்றம் சாட்டப்பட்டுள்ளது.
"ஏப்ரல் 1 ஆம் தேதி, 1800 மணியளவில், ஹவுன்ஸ்லோ, பிராபசோன் சாலையில் உள்ள தபால் நிலையத்திற்குள் ஒரு இளைஞர் நுழைந்தார். கணிசமான தொகையுடன் தப்பிச் செல்வதற்கு முன்பு அந்த இளைஞர் இரண்டு ஊழியர்களைத் துப்பாக்கி என்று அவர்கள் நம்ப வைத்து அச்சுறுத்தினார்" என்று மெட் காவல்துறை ஒரு அறிக்கையில் தெரிவித்துள்ளது.
போலித் துப்பாக்கியுடன் கொள்ளை நடந்த மூன்று நாட்களுக்குப் பிறகு ஹவுன்ஸ்லோவில் உள்ள அவரது இல்லத்தில் இருந்து ராஜ்விந்தர் கஹ்லோனை மெட் காவல்துறையினர் கைது செய்தனர்.
"ஏப்ரல் 4, வியாழக்கிழமை, 41 வயதான ராஜ்விந்தர் கஹ்லோன் ஹவுன்ஸ்லோவில் உள்ள அவரது வீட்டு முகவரியில் கைது செய்யப்பட்டார். கொள்ளை மற்றும் போலித் துப்பாக்கி வைத்திருந்ததாக குற்றம் சாட்டப்பட்ட அவர் ஏப்ரல் 6, சனிக்கிழமை ஆக்ஸ்பிரிட்ஜ் குற்றவியல் நடுவர் நீதிமன்றத்தில் ஆஜரானார்," என்று காவல்துறையினர் ஒரு அறிக்கையில் தெரிவித்தனர்.
கஹ்லோன் காவலில் உள்ளார், அடுத்து மே 6 அன்று ஐல்வொர்த் கிரவுன் நீதிமன்றத்தில் முன்னிலைப்படுத்தப்படுவார்.
