முன்னாள் அமைச்சர் டக்ளஸ் தேவானந்தாவுக்கு எதிராக பிடியாணை
குற்றப்புலனாய்வு திணைக்களத்தில் தேவானந்தா மீது செய்த முறைப்பாடு தொடர்பான வழக்கு வியாழக்கிழமை நீதிமன்றத்தில் விசாரணைக்கு எடுத்துக்கொள்ளப்பட்டது.
முன்னாள் அமைச்சர் டக்ளஸ் தேவானந்தா நீதிமன்றத்தில் சாட்சியமளிக்கத் தவறியதை அடுத்து அவருக்கு எதிராக கொழும்பு நீதவான் நீதிமன்றம் பிடியாணை பிறப்பித்துள்ளது.
வெள்ளவத்தையைச் சேர்ந்த வர்த்தகர் சுப்பிரமணியம் மனோகரன் 10 மில்லியன் ரூபா பெறுமதியான இரண்டு மோசடிக் காசோலைகளை விநியோகித்ததாகக் குற்றஞ்சாட்டி 2016 ஆம் ஆண்டு குற்றப்புலனாய்வு திணைக்களத்தில் தேவானந்தா மீது செய்த முறைப்பாடு தொடர்பான வழக்கு வியாழக்கிழமை நீதிமன்றத்தில் விசாரணைக்கு எடுத்துக்கொள்ளப்பட்டது.
நீதிமன்றத்தில் சாட்சியமளிக்க அழைக்கப்பட்ட போதிலும், முன்னாள் அமைச்சர் தேவானந்தா சமூகமளிக்கவில்லை. அவரது வழக்கறிஞர் அவர் உடல்நிலை சரியில்லாமல் இருப்பதாகக் கூறினாலும், அக் கூற்றை உறுதிப்படுத்த எந்த மருத்துவ ஆவணங்களும் சமர்ப்பிக்கப்படவில்லை.
அவர் சமூகமளிக்காதமைக்கான நம்பத்தகுந்த காரணங்கள் இன்மையால், தேவானந்தாவை கைது செய்து நீதிமன்றத்தில் நிறுத்துவதற்கான பிடியாணையை பிறப்பிக்குமாறு நீதவான் கட்டளையிட்டார்.
