யூனுஸ் மீது ஷேக் ஹசீனா இனப்படுகொலை குற்றச்சாட்டு
நியூயார்க்கில் நடந்த ஒரு நிகழ்ச்சியில் மெய்ந்நிகர் முறையில் உரையாற்றிய ஹசீனா, யூனுஸ் "இனப்படுகொலை" செய்ததாகவும், இந்துக்கள் உள்ளிட்ட சிறுபான்மையினரைப் பாதுகாக்கத் தவறிவிட்டதாகவும் குற்றம் சாட்டினார்.
வங்கதேசத்தின் இடைக்கால தலைவர் முகமது யூனுஸ் மீது பதவி நீக்கம் செய்யப்பட்ட பிரதமர் ஷேக் ஹசீனா கடுமையாக விமர்சித்துள்ளார்.
நியூயார்க்கில் நடந்த ஒரு நிகழ்ச்சியில் மெய்ந்நிகர் முறையில் உரையாற்றிய ஹசீனா, யூனுஸ் "இனப்படுகொலை" செய்ததாகவும், இந்துக்கள் உள்ளிட்ட சிறுபான்மையினரைப் பாதுகாக்கத் தவறிவிட்டதாகவும் குற்றம் சாட்டினார். தனது தந்தை ஷேக் முஜிபுர் ரஹ்மானைப் போலவே தன்னையும் தனது சகோதரி ஷேக் ரெஹானாவையும் கொலை செய்ய திட்டங்கள் இருந்ததாகவும் அவர் கூறினார்.
"ஆயுதமேந்திய போராட்டக்காரர்கள் கணபவனை நோக்கி திருப்பி விடப்பட்டனர். பாதுகாவலர்கள் துப்பாக்கிச் சூடு நடத்தியிருந்தால் பல உயிர்கள் பலியாகியிருக்கும். இது 25-30 நிமிடங்களின் விஷயம், நான் வெளியேற வேண்டிய கட்டாயம் ஏற்பட்டது. என்ன நடந்தாலும் சுட வேண்டாம் என்று நான் அவர்களிடம் [காவலர்களிடம்] கூறினேன்," என்று ஆகஸ்ட் 5 அன்று டாக்காவில் உள்ள தனது உத்தியோகபூர்வ இல்லம் தாக்கப்பட்டதைக் குறிப்பிட்டு அவர் கூறினார்.
"இன்று என் மீது இனப்படுகொலை குற்றச்சாட்டு சுமத்தப்படுகிறது. உண்மையில் யூனுஸ் இனப்படுகொலையில் மிக நுணுக்கமாக திட்டமிட்டு ஈடுபட்டுள்ளார். இந்த இனப்படுகொலையின் பின்னணியில் மாணவர் ஒருங்கிணைப்பாளர்கள் மற்றும் யூனுஸ் ஆகிய சூத்திரதாரிகள்" என்று அவர் ஞாயிற்றுக்கிழமை நிகழ்ச்சியில் கூறினார்.
டாக்காவில் தற்போதைய ஆளும் அரசு சிறுபான்மையினரைப் பாதுகாக்கத் தவறிவிட்டது என்று ஹசீனா கூறினார்.
