உள்ளூராட்சி மன்றங்கள் தொடர்பான கெட்டகொடவின் தனிப்பட்ட உறுப்பினர் சட்டமூலத்திற்கு எதிராக மற்றுமொரு வழக்கு
மீண்டும் கூட்டப்பட்ட உள்ளூராட்சி மன்றங்களின் பதவிக் காலத்தை நீடிக்க, அமைச்சருக்கு அதிகாரம் அளிக்கும் நாடாளுமன்ற உறுப்பினரின் முயற்சி குறித்தும் மனுதாரர் கவலை எழுப்பியுள்ளார்.
நகர சபைகள் மற்றும் மாநகர சபைகள் தொடர்பான மாநகர சபை கட்டளைச்சட்டங்களில் திருத்தம் செய்யுமாறு கோரி ஸ்ரீலங்கா பொதுஜன பெரமுனவின் பாராளுமன்ற உறுப்பினர் ஜயந்த கெட்டகொடவினால் பாராளுமன்றத்தில் முன்வைக்கப்பட்ட தனிப்பட்ட உறுப்பினர் சட்டமூலத்தின் அரசியலமைப்புச் சட்டத்தை எதிர்த்து உயர் நீதிமன்றத்தில் மற்றுமொரு மனு தாக்கல் செய்யப்பட்டுள்ளது.
சமகி ஜன பலவேகயவின் பொதுச் செயலாளர் ரஞ்சித் மத்தும பண்டாரவினால் இரண்டாவது மனு தாக்கல் செய்யப்பட்டுள்ள நிலையில், சட்டமா அதிபரை பிரதிவாதியாகக் குறிப்பிட்டுள்ளார்.
பாராளுமன்ற உறுப்பினர் கெட்டகொட சமர்பித்த தனியார் சட்டமூலத்தில், தேர்தலை நடத்தாமல் கலைக்கப்பட்ட உள்ளூராட்சி மன்றங்களை மீண்டும் கூட்டுவதற்கு பொது நிர்வாகம், உள்நாட்டலுவல்கள், மாகாண சபைகள் மற்றும் உள்ளூராட்சி அமைச்சருக்கு அதிகாரம் வழங்கும் வகையில் மாகாண சபைகள் கட்டளைச் சட்டம் மற்றும் நகர சபைகள் கட்டளைச் சட்டம் ஆகியவற்றில் திருத்தங்கள் மேற்கொள்ளப்பட உள்ளதாக மனுதாரர் கூறுகிறார்..
மேலும், மீண்டும் கூட்டப்பட்ட உள்ளூராட்சி மன்றங்களின் பதவிக் காலத்தை நீடிக்க, அமைச்சருக்கு அதிகாரம் அளிக்கும் நாடாளுமன்ற உறுப்பினரின் முயற்சி குறித்தும் மனுதாரர் கவலை எழுப்பியுள்ளார்.
சட்ட விதிகளின்படி, உள்ளூராட்சி மன்றத் தேர்தல்கள் நான்கு வருடங்களுக்கு ஒருமுறை நடத்தப்பட வேண்டும், எனினும், உள்ளூராட்சி மன்றங்களின் பதவிக் காலத்தை நீடிக்க அமைச்சருக்கு அதிகாரம் வழங்குவது மக்களின் வாக்குரிமையை மீறுவதாகும் எனச் சமகி ஜன பலவேகய பொதுச் செயலாளர் மேலும் குறிப்பிட்டுள்ளார்.
இதன்படி, குறித்த தனிப்பட்ட உறுப்பினர் சட்டமூலத்தை மூன்றில் இரண்டு பெரும்பான்மை மற்றும் வாக்கெடுப்பு மூலம் பாராளுமன்றத்தில் நிறைவேற்ற வேண்டும் என உயர் நீதிமன்றத்தில் உத்தரவு பிறப்பிக்குமாறு மனுதாரர் வலியுறுத்தியுள்ளார்.
