3 நிமிடங்களுக்கு ஒருமுறை செய்தியாளர் சந்திப்பு நடத்த வேண்டாம்: பாகிஸ்தான் நிர்வாகத்திற்கு அக்ரம் அறிவுரை
“பாகிஸ்தான் அணி ஆஸ்திரேலியாவைச் சென்றடைந்துள்ளது. மேலும் அவர்களுக்கு டெஸ்ட் தொடருக்கு எனது வாழ்த்துக்கள்.
பிரபல பாகிஸ்தான் கிரிக்கெட் வீரர் வாசிம் அக்ரம், பாகிஸ்தான் கிரிக்கெட் வாரியத்தின் இளம் உறுப்பினர்களுக்கு வாழ்த்து தெரிவித்துள்ளதோடு, அவர்கள் எடுக்கும் முடிவுகளில் உறுதியாக இருக்க வேண்டும் என்றும் கூறியுள்ளார். வஹாப் ரியாஸ், கம்ரான் அக்மல் மற்றும் பலர் தங்கள் பதவிகளில் சிறப்பாக செயல்படுவார்கள் என்று நம்புவதாக அக்ரம் ட்விட்டரில் ஒரு வீடியோவை வெளியிட்டார்.
“பாகிஸ்தான் அணி ஆஸ்திரேலியாவைச் சென்றடைந்துள்ளது. மேலும் அவர்களுக்கு டெஸ்ட் தொடருக்கு எனது வாழ்த்துக்கள். முகமது ஹபீஸ் பாகிஸ்தான் கிரிக்கெட் வாரியத்தில் அணி இயக்குநராக சேர்ந்துள்ளார், மேலும் வஹாப் ரியாஸ் தலைமை தேர்வாளராக பொறுப்பேற்றுள்ளார், கம்ரான் அக்மல் மற்றும் பலர் உள்ளார்கள்” என்று அக்ரம் காணொலியில் கூறினார்.
ஒவ்வொரு 3 நிமிடங்களுக்கும் ஒரு பத்திரிகையாளர் சந்திப்பு நடத்தக்கூடாது என்றும் அவர்கள் எடுக்கும் முடிவுகளுக்கு கட்டுப்பட வேண்டும் என்றும் வஹாப் ரியாசைக் கண்டித்தார் அக்ரம். “இவர்கள் தற்போதைய கிரிக்கெட் வீரர்கள். இது அவர்களின் நேரம், தங்களை நிரூபிக்க குறைந்தபட்சம் ஒரு வருடம் அவகாசம் கொடுப்போம். மேலும் ஒரு அறிவுரை, ஒவ்வொரு மூன்று நிமிடங்களுக்கும் பத்திரிகையாளர் சந்திப்புகளை நடத்த வேண்டாம். உங்கள் முடிவுகளில் உறுதியாக இருங்கள், தைரியமாக இருங்கள், ”என்று வாசிம் கூறினார்.
