ஐந்து தேசிய விளையாட்டு சங்கங்களின் பதிவை நிறுத்தி வைத்தார் ஹரிண்
இலங்கை வில்வித்தை சங்கம், இலங்கை கபடி சம்மேளனம், இலங்கை மல்யுத்த சம்மேளனம், இலங்கை பிரிட்ஜ் சம்மேளனம் மற்றும் இலங்கை ரோலர் ஸ்கேட்டிங் சங்கம் ஆகியவை தற்காலிகமாக நிறுத்தி வைக்கப்பட்டுள்ளன.
விளையாட்டு மற்றும் இளைஞர் விவகார அமைச்சர் ஹரிண் பெர்னாண்டோ சிறிலங்காவில் ஐந்து தேசிய விளையாட்டு சங்கங்களின் பதிவை தற்காலிகமாக இடைநிறுத்தியுள்ளார்.
1973 ஆம் ஆண்டின் 25 ஆம் இலக்க விளையாட்டுச் சட்டத்தின் 32 மற்றும் 33 ஆம் பிரிவுகள் மற்றும் அதன் திருத்தங்களின் கீழ் அவருக்கு வழங்கப்பட்ட அதிகாரத்தின் கீழ் இந்த முடிவு எடுக்கப்பட்டது.
அதன்படி, இலங்கை வில்வித்தை சங்கம், இலங்கை கபடி சம்மேளனம், இலங்கை மல்யுத்த சம்மேளனம், இலங்கை பிரிட்ஜ் சம்மேளனம் மற்றும் இலங்கை ரோலர் ஸ்கேட்டிங் சங்கம் ஆகியவை தற்காலிகமாக நிறுத்தி வைக்கப்பட்டுள்ளன.
இடைநிறுத்தப்பட்ட விளையாட்டுச் சங்கங்களின் நிருவாக மற்றும் ஏனைய அத்தியாவசிய நடவடிக்கைகளை மேற்பார்வையிடும் தகுதிவாய்ந்த அதிகாரியாக விளையாட்டு அபிவிருத்தி திணைக்களத்தின் பணிப்பாளர் நாயகம் பேராசிரியர் (ரியர் அட்மிரல்) ஷெமல் பெர்னாண்டோவை அமைச்சர் ஹரின் பெர்னாண்டோ நியமித்துள்ளார்.
டிசம்பர் 21, 2023 முதல் நடைமுறைக்கு வரும் இடைநீக்க காலத்தில் சுமூகமான மாற்றத்தை உறுதி செய்வதை இந்த நடவடிக்கை நோக்கமாகக் கொண்டுள்ளது.
