குஜராத்தின் போர்பந்தரில் கடலோர காவல்படை ஹெலிகாப்டர் விழுந்து நொறுங்கியதில் 3 பேர் பலி
மூன்று குழு உறுப்பினர்களும் மருத்துவமனையில் உயிரிழந்தனர் என்று கமலா பாக் காவல் நிலைய இன்ஸ்பெக்டர் ராஜேஷ் கன்மியா உறுதிப்படுத்தினார்.
குஜராத் மாநிலம் போர்பந்தர் விமான நிலையத்தில் கடலோர காவல்படை ஹெலிகாப்டர் விழுந்து நொறுங்கியதில் 2 விமானிகள் உள்பட 3 விமானிகள் உயிரிழந்தனர். இந்த சம்பவம் மதியம் 12.10 மணியளவில் நடந்ததாக போர்பந்தர் காவல்துறை கண்காணிப்பாளர பகீரத்சிங் ஜடேஜா தெரிவித்தார்.
கடலோர காவல்படையின் மேம்பட்ட இலகுரக ஹெலிகாப்டர் (ஏ.எல்.எச்) போர்பந்தர் விமான நிலையத்தில் தரையிறங்கும் போது மதியம் 12:10 மணிக்கு விபத்துக்குள்ளானதாக காவல்துறை தெரிவித்தனர். வழக்கமான பயிற்சியின் போது இந்த விபத்து ஏற்பட்டது. போர்பந்தர் விமான நிலையத்தில் 3 விமான ஊழியர்களுடன் ஹெலிகாப்டர் விழுந்து நொறுங்கியது. இடிபாடுகளில் இருந்து மூன்று பேரும் மீட்கப்பட்டு பலத்த தீக்காயங்களுடன் போர்பந்தரில் உள்ள மருத்துவமனைக்கு கொண்டு செல்லப்பட்டதாக அதிகாரிகள் தெரிவித்தனர்.
மருத்துவ முயற்சிகள் இருந்தபோதிலும், மூன்று குழு உறுப்பினர்களும் மருத்துவமனையில் உயிரிழந்தனர் என்று கமலா பாக் காவல் நிலைய இன்ஸ்பெக்டர் ராஜேஷ் கன்மியா உறுதிப்படுத்தினார்.
இந்திய கடலோர காவல்படை அதிகாரிகள் இறப்புகளை உறுதிப்படுத்தியதோடு, விபத்துக்கான காரணம் குறித்து விசாரணை நடந்து வருவதாகவும் தெரிவித்தனர்.
