ஹாங்காங்கில் சுமார் 80% ஆசிரியர்கள் குழந்தைகளுக்கு எதிரான குற்றங்களில் ஈடுபட்டுள்ளதாக அதிர்ச்சித் தகவல்
கல்விப் பணியகத்தின் கூற்றுப்படி, பொருத்தமற்ற ஆசிரியர்-மாணவர் உறவுகளின் வழக்குகள் 2023 இல் மூன்றிலிருந்து கடந்த ஆண்டு எட்டாக இரு மடங்காக அதிகரித்தன.
குற்றவியல் மற்றும் தவறான நடத்தை குற்றச்சாட்டுகள் தொடர்பாக சாதனை எண்ணிக்கையிலான ஆசிரியர்கள், தங்கள் பதிவு நீக்கத்தை எதிர்கொள்வதால் ஹாங்காங்கின் கல்வித் துறை தீவிர ஆய்வுக்கு உட்பட்டுள்ளது. 2024 ஆம் ஆண்டில் 71 ஆசிரியர்கள் தங்கள் உரிமங்களை இழந்துவிட்டதாக சமீபத்திய புள்ளிவிவரங்கள் தெரிவிக்கின்றன, 80% க்கும் அதிகமானோர் குற்றவியல் குற்றங்களில் குற்றவாளிகள் என்று கண்டறியப்பட்டுள்ளது. இது ஆசிரியர்த் தொழிலின் ஒருமைப்பாடு குறித்து கடுமையான கவலைகளை எழுப்புகிறது.
கல்விப் பணியகத்தின் கூற்றுப்படி, பொருத்தமற்ற ஆசிரியர்-மாணவர் உறவுகளின் வழக்குகள் 2023 இல் மூன்றிலிருந்து கடந்த ஆண்டு எட்டாக இரு மடங்காக அதிகரித்தன. திருட்டு மற்றும் ஏமாற்றுச் சம்பவங்கள் 2023 இல் ஐந்திலிருந்து 2024 இல் 28 ஆக ஆபத்தான உயர்வைக் கண்டன. பாலியல் குற்ற வழக்குகள் குறைந்துள்ள நிலையில், 10 ஆசிரியர்கள் சிறுவர் அத்துமீறல் தொடர்பான குற்றங்களுக்காக தண்டிக்கப்பட்டுள்ளனர்.
பதிவு நீக்கப்பட்ட ஆசிரியர்களில் 15 பேர் கலகம் செய்தல், சட்டவிரோதமாக கூடுதல், தாக்குதல் ஆயுதங்கள் அல்லது போதை மருந்துகளை வைத்திருத்தல் போன்ற தீவிர குற்றங்களுக்காக தண்டிக்கப்பட்டவர்கள் என்றும் அதிகாரிகள் தெரிவித்துள்ளனர். இதற்கு விடையிறுப்பாக, கல்வித்துறை அதன் மேற்பார்வையை அதிகரித்துள்ளது. மாணவர்களின் பாதுகாப்பை உறுதிப்படுத்த ஒவ்வொரு மூன்று வருடங்களுக்கும் குற்றவியல் பதிவுப் பரிசோதனைகளை நடத்துகிறது.
