ஓவர் டைம் துப்பாக்கிச் சூட்டில் சந்தேகிக்கப்படும் 2வது இளைஞருக்குச் சட்பரி காவல் துறை வலை வீச்சு
பாதிக்கப்பட்ட 22 வயதான ஜோ கேபிகோன் மருத்துவமனையில் இறந்தார்.
சட்பரி காவல் துறையினர், விளையாட்டு விடுதியில் நடந்த துப்பாக்கிச் சூட்டில் தொடர்புடைய சந்தேக இலைஞரைத் தொடர்ந்து தேடி வருகின்றனர்.
ஏப்ரல் 21 அன்று, ஆயுதப் புகாருக்காக, நோட்ரே டேம் அவென்யூவில் உள்ள ஓவர்டைம் ஸ்போர்ட்ஸ் பார் மற்றும் கிரில்லுக்குக் காவல் துறை அழைக்கப்பட்டது.
பலர் வாய் தகராறில் ஈடுபட்டதால் ஒருவர் மற்றொருவரை சுட்டுக் கொன்றதாக காவல் துறை தெரிவித்துள்ளது. பாதிக்கப்பட்ட 22 வயதான ஜோ கேபிகோன் மருத்துவமனையில் இறந்தார்.
ஏப்ரல் 29 அன்று, காவல்துறை ரொறன்ரோவைச் சேர்ந்த 16 வயது இளைஞனைக் கைது செய்து குற்றஞ்சாட்டியது. அவர்கள் மீது கொலை, ஆபத்தான நோக்கத்திற்காக ஆயுதம் வைத்திருந்தது மற்றும் தடை செய்யப்பட்ட சாதனத்தை அனுமதியின்றி வைத்திருந்தது உள்ளிட்ட பல குற்றங்கள் சுமத்தப்பட்டன. பின்னர் அந்த இளைஞர் மீது கொலைக்கு சதி செய்ததாக குற்றம் சாட்டப்பட்டது.
தற்போது 19 வயதான நோவா சிங்கைத் தேடி வருவதாக காவல் துறை கூறுகிறது. ஓவர்டைமில் கொலை செய்ததற்காக நிலுவையில் உள்ள கைது ஆணையில் காவல்துறையால் அவர் தேடப்படுகிறார்.
