இலங்கை வம்சாவளியைச் சேர்ந்த உமா குமரன் பிரித்தானிய பாராளுமன்றத்திற்குத் தெரிவு
தொழிற் கட்சித் தலைவர் கெய்ர் ஸ்டார்மரின் நாடாளுமன்ற விவகாரங்களுக்கான துணை இயக்குநராகவும் அவர் 18 மாதங்களுக்கும் மேலாக இருந்தார்.
![](https://tamil.voiceforjustice.ca/uploads/uma-kumaran.jpg)
உள்நாட்டுப் போர் உச்சத்தில் இருந்தபோது இலங்கையில் இருந்து தப்பி இங்கிலாந்தில் தஞ்சம் புகுந்த தம்பதியினரின் மகள் உமா குமரன், பிரித்தானிய நாடாளுமன்றத்தில் நுழைந்த முதல் தமிழ்ப் பெண் என்ற வரலாற்றை வெள்ளிக்கிழமை படைத்தார்.
லண்டனில் பிறந்து வளர்ந்த உமா குமரன், ஸ்ட்ராட்ஃபோர்ட் மற்றும் போவின் முதல் நாடாளுமன்ற உறுப்பினர் ஆவார். அவரது பெற்றோர் சிறிலங்காவில் போரால் நாசமாக்கப்பட்ட வடக்கு மாகாணத்தில் யாழ்ப்பாணத்தைச் சேர்ந்தவர்கள் என்பதோடு தொழிற்சங்கங்களுடன் ஆழமான தொடர்புகளைக் கொண்ட ஒரு குடும்பத்தைச் சேர்ந்தவர்கள். அவர்கள் 1980 களில் லண்டனுக்கு வந்தனர்.
தொழிலாளர் கட்சியின் உறுப்பினரான உமா குமரன் 19,000 வாக்குகள் பெற்று தன்னை எதிர்த்துப் போட்டியிட்ட வேட்பாளரை 12,000 வாக்குகள் வித்தியாசத்தில் தோற்கடித்தார்.
14 மாதங்களாக என்.எச்.எஸ் நிபுணர்களுக்காக பணிபுரிந்த உமா குமரன், தொழிற்கட்சி நாடாளுமன்ற உறுப்பினர் டான் பட்லரின் நாடாளுமன்ற ஆராய்ச்சியாளராகவும் வழக்கு பணியாளராகவும் இருந்தார். அவர் 2010 இல் உள்ளாட்சித் தேர்தல்களில் போட்டியிடுவதற்கு முன்பு கட்சியின் பல சட்டமன்ற உறுப்பினர்களுடன் பணியாற்றினார். ஆனால் தேர்ந்தெடுக்கப் படத் தவறிவிட்டார்.
தொழிற் கட்சித் தலைவர் கெய்ர் ஸ்டார்மரின் நாடாளுமன்ற விவகாரங்களுக்கான துணை இயக்குநராகவும் அவர் 18 மாதங்களுக்கும் மேலாக இருந்தார்.
"ஸ்ட்ராட்ஃபோர்ட் மற்றும் போவுக்கான முதல் நாடாளுமன்ற உறுப்பினராக பணியாற்ற தேர்ந்தெடுக்கப்பட்டிருப்பது எனது வாழ்க்கையின் கௌரவம். என் மீதும் தொழிற்கட்சி மீதும் நம்பிக்கை வைத்த அனைவருக்கும் நன்றி. நான் எப்போதும் உங்கள் குரலாகவும், உங்கள் பிரதிநிதியாகவும் இருப்பேன்" என்று அவர் தனது வெற்றிக்குப் பிறகு வெள்ளிக்கிழமை கூறினார்.