வங்கதேசத்தில் இந்துக்கள், சிறுபான்மையினர் மீதான தாக்குதலுக்கு பிரியங்கா காந்தி கண்டனம்
மதம், சாதி, மொழி அல்லது அடையாளத்தின் அடிப்படையில் பாகுபாடு, வன்முறை மற்றும் தாக்குதல்கள் எந்தவொரு நாகரிக சமூகத்திலும் ஏற்றுக்கொள்ள முடியாதவை" என்று பிரியங்கா காந்தி இந்தியில் எழுதிய ஒரு பதிவில் குறிப்பிட்டுள்ளார்.
அண்டை நாடான வங்கதேசத்தில் சிறுபான்மையினர், குறிப்பாக இந்துக்கள், கிறிஸ்தவர்கள் மற்றும் புத்த மதத்தினர் மீது தொடர்ந்து தாக்குதல்கள் நடத்தப்பட்டு வருவதாக வெளியான தகவல்கள் கவலையளிப்பதாகக் கூறிய காங்கிரஸ் தலைவர் பிரியங்கா காந்தி வாத்ரா, இடைக்கால அரசு அவர்களின் பாதுகாப்பை உறுதி செய்யும் என்று நம்பிக்கை தெரிவித்தார்.
எந்தவொரு நாகரிக சமூகத்திலும் பாகுபாடு, வன்முறை மற்றும் மதம், சாதி, மொழி அல்லது அடையாளத்தின் அடிப்படையில் தாக்குதல்கள் ஏற்றுக்கொள்ள முடியாதவை என்றும் காங்கிரஸ் பொதுச் செயலாளர் சுட்டிக்காட்டியுள்ளார்.
"அண்டை நாடான வங்கதேசத்தில் சிறுபான்மையினர் மீது தொடர்ந்து தாக்குதல் நடத்தப்பட்டு வரும் செய்திகள் கவலையளிக்கின்றன. மதம், சாதி, மொழி அல்லது அடையாளத்தின் அடிப்படையில் பாகுபாடு, வன்முறை மற்றும் தாக்குதல்கள் எந்தவொரு நாகரிக சமூகத்திலும் ஏற்றுக்கொள்ள முடியாதவை" என்று பிரியங்கா காந்தி இந்தியில் எழுதிய ஒரு பதிவில் குறிப்பிட்டுள்ளார்.
" வங்கதேசத்தில் நிலைமை விரைவில் இயல்பு நிலைக்கு வரும் என்றும், அங்குள்ள இடைக்கால அரசாங்கம் இந்து, கிறிஸ்தவ மற்றும் பௌத்த மதங்களைப் பின்பற்றும் மக்களுக்கு பாதுகாப்பையும் மரியாதையையும் உறுதி செய்யும் என்றும் நாங்கள் நம்புகிறோம்," என்று அவர் மேலும் கூறினார்.
