ஆஸ்திரேலியாவின் ஆளுநர் நாயகம் சமந்தா ஜோய் மொஸ்டின் இன்று சிறிலங்கா வருகை
பண்டாரகம, மிரிஸ்ச மற்றும் வெலிகம ஆகிய இடங்களில் ஆஸ்திரேலியா ஒத்துழைப்புடன் மேற்கொள்ளப்படும் பல திட்டங்களுக்கும் ஆளுநர் நாயகம் வருகை தரவுள்ளார்.
ஆஸ்திரேலியாவின் ஆளுநர் நாயகம் சமந்தா ஜோய் மொஸ்டின் அலுவல்பூர்வப் பயணத்தை மேற்கொண்டு இன்று சிறிலங்கா வரவுள்ளார்.
ஆளுநர் நாயகம் எதிர்வரும் 10 ஆம் திகதி வரை சிறிலங்காவில் தங்கியிருப்பார் என வெளிவிவகாரங்கள், வெளிநாட்டு வேலைவாய்ப்பு மற்றும் சுற்றுலாத்துறை அமைச்சு தெரிவித்துள்ளது.
இந்த பயணத்தின் போது ஆளுநர் நாயகம் சமந்த ஜோய் மொஸ்டின் அவர்கள் ஜனாதிபதி அநுரகுமார திசாநாயக்க மற்றும் பிரதமர் ஹரிணி அமரசூரிய ஆகியோருடன் இருதரப்பு கலந்துரையாடல்களில் ஈடுபடுவார் என எதிர்பார்க்கப்படுகின்றது.
பண்டாரகம, மிரிஸ்ச மற்றும் வெலிகம ஆகிய இடங்களில் ஆஸ்திரேலியா ஒத்துழைப்புடன் மேற்கொள்ளப்படும் பல திட்டங்களுக்கும் ஆளுநர் நாயகம் வருகை தரவுள்ளார்.
இருதரப்பு ஒத்துழைப்பை மேலும் வலுப்படுத்துவதும், இரு நாடுகளினதும் பரஸ்பர நலனுக்காக தற்போதுள்ள ஒத்துழைப்பு பகுதிகளை விரிவுபடுத்துவதற்கான வாய்ப்புகளை ஆராய்வதும் இந்தப் பயணத்தின் நோக்கமாகும் என்று வெளிவிவகார அமைச்சு குறிப்பிட்டுள்ளது.
