பிரதமருடன் ஐ.நா. சனத்தொகை நிதிய வதிவிடப் பிரதிநிதி சந்திப்பு
ஐ.நா. மக்கள்தொகை நிதியம் நீண்ட காலமாக இலங்கையுடன் பேணிவரும் ஈடுபாட்டிற்குப் பிரதமர் தனது நன்றியைத் தெரிவித்தார். அத்துடன் அடெனியியின் தலைமையின் கீழ் வழங்கப்பட்ட பெருமதி மிக்க பங்களிப்பைப் பாராட்டினார்.
இலங்கையில் தனது உத்தியோகபூர்வ சேவைக்காலம் நிறைவுபெற்று நாட்டை விட்டுச் செல்லும் ஐக்கிய நாடுகள் சனத்தொகை நிதியத்தின் வதிவிடப் பிரதிநிதி குன்லே அடியேனிற்கும் பிரதமர் கலாநிதி ஹரிணி அமரசூரிய இடையிலான சந்திப்பு பிரதமர் அலுவலகத்தில் நடைபெற்றது.
இந்த சந்திப்பின்போது, தனது பதவிக்காலத்தில் ஐ.நா. மக்கள்தொகை நிதியத்திற்கு இலங்கை வழங்கிய வலுவான ஒத்துழைப்பிற்கு திரு. அடெனியி தனது ஆழ்ந்த நன்றியைத் தெரிவித்தார். குறிப்பாக, மகளிர் ஆணைக்குழுவை நிறுவுவதில் பிரதமர் அளித்த தலைமைத்துவ ஒத்துழைப்பிற்கு அவர் விசேட நன்றியைத் தெரிவித்தார்.
மேலும், ஐ.நா. நிதியத்தின் பணிகளை முன்னெடுப்பதில் தமக்கு பணிபுரிய கிடைத்த சிறந்த பங்காளர்களில் இலங்கையர்களும் அடங்குவதாகக் கூறி, அவர்களது தொழில்சார் திறனையும் அர்ப்பணிப்பையும் பாராட்டினார்.
ஐ.நா. மக்கள்தொகை நிதியம் நீண்ட காலமாக இலங்கையுடன் பேணிவரும் ஈடுபாட்டிற்குப் பிரதமர் தனது நன்றியைத் தெரிவித்தார். அத்துடன் அடெனியியின் தலைமையின் கீழ் வழங்கப்பட்ட பெருமதி மிக்க பங்களிப்பைப் பாராட்டினார்.
இரு தரப்பினதும் சிரேஷ்ட அதிகாரிகள் இச்சந்திப்பில் கலந்துகொண்டனர். ஐ.நா. மக்கள்தொகை நிதியத்தின் உதவிப் பிரதிநிதி கலாநிதி தயானத் ரணதுங்க மற்றும் அலுவலகத் தலைவர் புன்ட்ஷோ வாங்யெல் ஆகியோரும். இலங்கை பிரதிநிதிகளாக பிரதமரின் செயலாளர் பிரதீப் சப்புத்தந்திரி, பிரதமரின் மேலதிகச் செயலாளர் சாகரிகா போகாவத்த மற்றும் வெளிநாட்டு அலுவல்கள், வெளிநாட்டு வேலைவாய்ப்பு மற்றும் சுற்றுலா அமைச்சின் ஐக்கிய நாடுகள் சபை மற்றும் மனித உரிமைகள் பிரிவின் பணிப்பாளர் நாயகம் திருமதி தயானி மெண்டிஸ் ஆகியோரும் கலந்து கொண்டனர்.
