சொத்து சந்தையை சீனா மேலும் ஸ்திரப்படுத்தும்: அமைச்சர்
புதிய நகர்ப்புறவாசிகள், இளைஞர்கள் மற்றும் புலம்பெயர்ந்த தொழிலாளர்களின் வீட்டுத் தேவைகளை நிவர்த்தி செய்வதில் அதிக கவனம் செலுத்தப்படும்.
மக்களின் வீட்டுவசதித் தேவைகளை சிறப்பாக பூர்த்தி செய்வதற்கும் சொத்து சந்தையை உறுதிப்படுத்துவதற்கும், இந்தத் துறைக்கான புதிய மேம்பாட்டு பொறிமுறையை உருவாக்குவதற்கும் சீனா தனது நகரம் சார்ந்த மற்றும் இலக்கு கொள்கைகளைத் தொடரும் என்று வீட்டுவசதி மற்றும் நகர்ப்புற-கிராமப்புற மேம்பாட்டு அமைச்சகத்தின் வருடாந்திர பணி மாநாட்டில் அதிகாரிகள் தெரிவித்தனர்.
"வீட்டுவசதி என்பது வாழ்வதற்கானது, ஊகத்திற்காக அல்ல" என்ற கோட்பாட்டில் நாடு உறுதியாக இருக்கும், மேலும் சீனாவின் ரியல் எஸ்டேட் சந்தையில் வழங்கல்-தேவை உறவில் புதிய பெரிய மாற்றங்களுக்கு ஏற்ப மாறும் என்று வீட்டுவசதி மற்றும் நகர்ப்புற-கிராமப்புற மேம்பாட்டு அமைச்சர் நி ஹாங் வியாழன் மற்றும் வெள்ளிக்கிழமைகளில் நடைபெற்ற மாநாட்டில் கூறினார்.
முன்கூட்டியே விற்கப்பட்ட வீடுகளை வழங்குவதை உறுதி செய்வதற்கும், சொத்து நிறுவனங்களில் உள்ள அபாயங்களைக் கையாள்வதற்கும், சந்தையில் சட்டவிரோத நடவடிக்கைகளை நிவர்த்தி செய்வதற்கும் முயற்சிகள் மேற்கொள்ளப்படும் என்று அவர் மேலும் கூறினார்.
மேலும், இத்துறையில் புதிய வளர்ச்சிப் பொறிமுறையை உருவாக்க சீனா முயற்சிக்கும் என்று கூட்டத்தில் அதிகாரிகள் தெரிவித்தனர். இது தொடர்பாக, கட்டுமானம் முதல் பராமரிப்பு வரை ரியல் எஸ்டேட்டின் முழு சுழற்சியையும் உள்ளடக்கிய அடித்தள சொத்து சந்தை அமைப்பு மேம்படுத்தப்படும்.
சாதாரண மற்றும் அவசரகால பயன்பாட்டிற்கான மலிவு விலை வீடுகள் மற்றும் பொது உள்கட்டமைப்பு கட்டுமானம், அத்துடன் நகரங்களில் குடிசை நகரங்களை புதுப்பித்தல் ஆகியவை மேம்படுத்தப்படும். இதற்கிடையில், புதிய நகர்ப்புறவாசிகள், இளைஞர்கள் மற்றும் புலம்பெயர்ந்த தொழிலாளர்களின் வீட்டுத் தேவைகளை நிவர்த்தி செய்வதில் அதிக கவனம் செலுத்தப்படும்.
பழைய குடியிருப்பு சமூகங்களில் மின்தூக்கிகளைச் (லிப்ட்டு) சேர்ப்பது மற்றும் வாகன நிறுத்தச் (பார்க்கிங்) சிக்கல்களைத் தீர்ப்பது, அதிக வயதானவர்களுக்கும் குழந்தைகளுக்கும் நட்பு வசதிகளை உருவாக்குவது மற்றும் தடையற்ற சூழலை உருவாக்குவது, அத்துடன் விநியோகப்-பக்கச் சீர்திருத்தத்தை ஆழப்படுத்துவது மற்றும் கட்டுமானத் துறையில் சந்தை சூழலை மேம்படுத்துவது உள்ளிட்ட நகரங்களை மேம்படுத்துவதற்கான முயற்சிகள் தேவை என்றும் கூட்டத்தில் அதிகாரிகள் குறிப்பிட்டனர்.
