மலையக பகுதிகளுக்கான ரயில் சேவைகள் மட்டுப்படுத்தப்பட்டது
எனினும் அதிகளவான இயற்கை அனர்த்தங்கள் பதிவானதையடுத்து கொழும்பு - பதுளை இரவுநேர தபால் புகையிரத சேவை நேற்று நாவலப்பிட்டி புகையிரத நிலையம் வரை மட்டுப்படுத்தப்பட்டதாக ரயில்வே துறை தெரிவித்துள்ளது.
சீரற்ற காலநிலை காரணமாக மலையக பகுதிகளுக்கான ரயில் சேவை மட்டுப்படுத்தப்பட்டுள்ளது. தற்காலிகமான முன்னெச்சரிக்கை நடவடிக்கையாக நேற்றுமுன்தினம் முதல் மலையக பிரதான ரயில் பாதைகளில் கொழும்பிலிருந்து நானுஓயா மற்றும் பதுளைக்கு இடையிலான இரவு நேர அஞ்சல் ரயில்களை இயக்குவதை கட்டுப்படுத்த நடவடிக்கை எடுக்கப்பட்டிருந்தது.
அதன்படி, பிரதான பாதையில் இரவு நேர அஞ்சல் ரயில்கள் கொழும்பு கோட்டையிலிருந்து நானுஓயாவுக்கும், நானுஓயாவிலிருந்து கொழும்பு கோட்டைக்கும் மட்டுப்படுத்தப்பட்டன. நேற்றுமுன்தினம் முதல், கொழும்பு கோட்டையிலிருந்து நானுஓயாவுக்கு பயணிக்கும் ரயில்களை இரவு 8.30 மணிக்கும், நானுஓயாவிலிருந்து கொழும்பு கோட்டைக்கு பயணிக்கும் ரயில்களை இரவு 10.50 மணிக்கும் இயக்க ஏலவே நடவடிக்கை எடுக்கப்பட்டுள்ளதாக ரயில்வே துறை தெரிவித்திருந்தது.
எனினும் அதிகளவான இயற்கை அனர்த்தங்கள் பதிவானதையடுத்து கொழும்பு - பதுளை இரவுநேர தபால் புகையிரத சேவை நேற்று நாவலப்பிட்டி புகையிரத நிலையம் வரை மட்டுப்படுத்தப்பட்டதாக ரயில்வே துறை தெரிவித்துள்ளது.
நானுஓயாவுக்கும் பதுளைக்கும் இடையில் இரவு நேர அஞ்சல் ரயில்கள் இயக்கப்படாத நாட்களில், நானுஓயாவிலிருந்து பதுளை பகுதிக்கு இருக்கைகளை முன்பதிவு செய்த பயணிகள், முன்பதிவு வசதிகள் கொண்ட எந்த ரயில் நிலையத்திலிருந்தும் தங்கள் முன்பதிவு செய்யப்பட்ட இருக்கை டிக்கெட்டுகளுக்கான பணத்தைப் பெறலாம் என்றும், இதனால் பயணிகளுக்கு ஏற்படும் சிரமத்திற்கு வருந்துவதாகவும் ரயில்வே துறை தெரிவித்துள்ளது.
