மனிதகுலத்தின் பகிரப்பட்ட எதிர்காலத்தை உருவாக்குவதற்காக ஒன்றிணைவோம் - சீனத் தூதுவர்
ஜனாதிபதி ஷீ ஜின்பிங் எப்போதும் மக்களை மையமாகக் கொண்டு சிந்திப்பதோடு மட்டுமல்லாமல், உலகின் எதிர்காலத்தையும் கருத்தில் கொண்டு செயல்படுகிறார்.
நாம் அனைவரும் ஒன்றிணைந்து, பரஸ்பர ஒத்துழைப்பை மேலும் வலுப்படுத்தி, மனிதகுலத்தின் பகிரப்பட்ட எதிர்காலத்தைக் கொண்ட சமூகத்தை உருவாக்கும் நோக்கில் இணைந்து செயல்படுவோம். அதன் மூலம் அனைத்து மக்களுக்கும் சிறந்த எதிர்காலத்தை உருவாக்குவோமென இலங்கைக்கான சீனத் தூதுவர் கீ சென்ஹொங் தெரிவித்தார்.
சீன ஜனாதிபதி ஷீ ஜின்பிங்கின் அரசியல் சிந்தனைகள், ஆட்சிமுறை, தேசிய முன்னேற்றக் கொள்கைகள் மற்றும் நவீனமயமாக்கல் தொடர்பான கருத்துகளை உள்ளடக்கிய இந்த நூலின் வெளியீட்டு விழா, பாராளுமன்ற சபாநாயகர் கலாநிதி ஜகத் விக்ரமரத்ன தலைமையில் நடைபெற்றது.
“இலங்கையும் சீனாவும் நவீனமயமாக்கல் பாதையில் கைகோர்த்து பயணிப்பதற்கான அனுபவப் பகிர்வு” என்ற கருப்பொருளில் மாநாடும், கலந்துரையாடல் நிகழ்வும் இதனுடன் இணைந்து இடம்பெற்றது.
நிகழ்வில் உரையாற்றிய இலங்கைக்கான சீனத் தூதுவர் கீ சென்ஹொங் மேலும் தெரிவிக்கையில், ஜனாதிபதி ஷீ ஜின்பிங் புதிய கால சீன சிறப்புமிக்க சமூகவாத சிந்தனை என்பது நவீன சீனாவின் மார்க்சியக் கோட்பாட்டின் முக்கிய வெளிப்பாடாகும். இது புதிய காலத்தில் சீனாவின் தனிச்சிறப்புமிக்க சமூகவாதத்தை முன்னெடுத்துச் செல்லும் அடிப்படை வழிகாட்டும் சிந்தனையாக விளங்குகிறது.
இந்த சிந்தனையை அடிப்படையாகக் கொண்டு வெளியிடப்பட்ட அதிகாரப்பூர்வ நூல்கள், ஷீ ஜின்பிங் சிந்தனையின் சமீபத்திய கோட்பாட்டு முன்னேற்றங்களையும், சீனாவின் ஒட்டுமொத்த வளர்ச்சி நோக்கங்களையும், தேசிய மறுமலர்ச்சிக்கான மூலோபாயங்களையும் விரிவாக எடுத்துரைக்கின்றன.
இந்த சிந்தனை, மக்களை மையமாகக் கொண்ட வளர்ச்சிக் கொள்கையை வலியுறுத்துகிறது. முழுமையான சீர்திருத்தங்களை ஆழப்படுத்துதல், சட்டத்தின் ஆட்சி, உயர்தர பொருளாதார வளர்ச்சி, அறிவியல் மற்றும் தொழில்நுட்ப தன்னிறைவு, கிராமப்புற மறுமலர்ச்சி, சுற்றுச்சூழல் பாதுகாப்பு மற்றும் தேசிய பாதுகாப்பு ஆகியவை இதன் முக்கிய அம்சங்களாகும்.
சர்வதேச அரங்கில் பாதை மற்றும் மண்டலம் முன்முயற்சி, உலகளாவிய வளர்ச்சி முன்முயற்சி, உலகளாவிய பாதுகாப்பு முன்முயற்சி, மற்றும் உலகளாவிய நாகரிக முன்முயற்சி போன்ற திட்டங்களை , ஜனாதிபதி ஷீ ஜின்பிங் முன்வைத்துள்ளார்.
மேலும், மனிதகுலத்தின் பகிரப்பட்ட எதிர்காலத்தைக் கொண்ட சமூகத்தை உருவாக்குதல் என்ற கருத்தை வலியுறுத்தி, உலகளாவிய நிர்வாக அமைப்பை மேம்படுத்தவும், நாடுகளுக்கிடையேயான ஒத்துழைப்பு மற்றும் பரஸ்பர நன்மையை வளர்க்கவும் பாடுபட்டு வருகிறார்.
புதிய காலத்தில் சீனா பல வரலாற்றுச் சாதனைகளைப் பதிவு செய்துள்ளது. சீனாவின் தனிச்சிறப்புமிக்க சமூகவாத முறைமையின் வலிமை உலகிற்கு நிரூபிக்கப்பட்டுள்ளது. இது சீன மக்களின் வாழ்க்கைத் தரத்தை உயர்த்தியதோடு மட்டுமல்லாமல், உலக அமைதி மற்றும் வளர்ச்சிக்கும் முக்கிய பங்களிப்பை வழங்கியுள்ளது.
எதிர்காலத்திலும், ஜனாதிபதி ஷீ ஜின்பிங் புதிய கால சீன சிறப்புமிக்க சமூகவாத சிந்தனையை வழிகாட்டியாகக் கொண்டு, சீனா சீர்திருத்தங்களையும் உயர்மட்ட திறந்த பொருளாதாரக் கொள்கையையும் தொடர்ந்து முன்னெடுத்து, புதிய தரமான உற்பத்தி சக்திகளை வளர்த்து, சீன முறை நவீனமயமாக்கலை வேகப்படுத்தி, சீன தேசத்தின் மகத்தான மறுமலர்ச்சியை அடைவதை நோக்கமாகக் கொண்டுள்ளது.
ஜனாதிபதி ஷீ ஜின்பிங் தலைமையிலான சீன கம்யூனிஸ்ட் கட்சியின் வலுவான வழிநடத்தலின் கீழ், நாம் அனைவரும் இணைந்து பல்வேறு துறைகளில் முன்னேற்றங்களை ஏற்படுத்தி, சீனாவின் தனிச்சிறப்புமிக்க சமூகவாத வளர்ச்சியை புதிய உயரங்களுக்கு கொண்டு செல்கிறோம்.
ஜனாதிபதி ஷீ ஜின்பிங் எப்போதும் மக்களை மையமாகக் கொண்டு சிந்திப்பதோடு மட்டுமல்லாமல், உலகின் எதிர்காலத்தையும் கருத்தில் கொண்டு செயல்படுகிறார். அவர் முன்வைத்த புதிய கருத்துக்கள் மற்றும் கொள்கைகள், சீனாவின் நவீனமயமாக்கலுக்கு மட்டுமன்றி, உலக அமைதி மற்றும் வளர்ச்சிக்கும் சீனாவின் அறிவையும் அனுபவத்தையும் வழங்குகின்றன.
அவர் முன்வைத்த "மனிதகுலத்தின் பகிரப்பட்ட எதிர்காலத்தைக் கொண்ட சமூகத்தை உருவாக்குதல்" என்ற கொள்கை, நாடுகளுக்கிடையேயான ஆலோசனை, ஒத்துழைப்பு மற்றும் பரஸ்பர நன்மையை வலியுறுத்துகிறது. உலகளாவிய சவால்களை கூட்டாக எதிர்கொள்வதில் சீனா ஒரு பொறுப்புள்ள பெரிய நாடாக தனது பங்கினை சிறப்பாக நிறைவேற்றி வருகிறது.
ஜனாதிபதி ஷீ ஜின்பிங் புதிய கால சீன சிறப்புமிக்க சமூகவாத சிந்தனையின் வழிகாட்டுதலின் கீழ், சீனா தொடர்ந்து சீர்திருத்தங்களையும் திறந்த பொருளாதாரக் கொள்கையையும் முன்னெடுத்து, புதுமைகளை ஊக்குவித்து, சீன முறை நவீனமயமாக்கலை முன்னேற்றும் என்பதில் நாங்கள் உறுதியாக நம்புகிறோம். அதேவேளை, உலக அமைதி, நிலைத்தன்மை மற்றும் வளமான எதிர்காலத்திற்கும் சீனா தொடர்ந்து முக்கிய பங்களிப்பை வழங்கும்.
நாம் அனைவரும் ஒன்றிணைந்து, பரஸ்பர ஒத்துழைப்பை மேலும் வலுப்படுத்தி, மனிதகுலத்தின் பகிரப்பட்ட எதிர்காலத்தைக் கொண்ட சமூகத்தை உருவாக்கும் நோக்கில் இணைந்து செயல்படுவோம். அதன் மூலம் அனைத்து மக்களுக்கும் சிறந்த எதிர்காலத்தை உருவாக்குவோம் என மேலும் தெரிவித்தார்.
