பாராளுமன்ற உறுப்பினர் சாமர சம்பத் தசநாயக்க மீதான வெளிநாட்டு பயண தடையை நீதிமன்றம் தற்காலிகமாக நீக்கியுள்ளது
குற்றம் சாட்டப்பட்ட எம்.பி., மே 23 முதல் ஜூன் 9 வரை சீனா செல்ல தனது சட்ட பிரதிநிதிகள் மூலம் அனுமதி கோரினார்.
ஊழல் குற்றச்சாட்டுக்களை புலனாய்வு செய்யும் ஆணைக்குழுவினால் தாக்கல் செய்யப்பட்ட ஊழல் வழக்கு தொடர்பில் பாராளுமன்ற உறுப்பினர் சாமர சம்பத் தசநாயக்கவுக்கு விதிக்கப்பட்டிருந்த வெளிநாட்டுப் பயணத் தடையைக் கொழும்பு நீதவான் நீதிமன்றம் தற்காலிகமாக நீக்கியுள்ளது.
இந்த வழக்கு நீதிமன்றத்தில் விசாரணைக்கு எடுத்துக்கொள்ளப்பட்ட போது கொழும்பு பிரதான நீதவான் அசங்க எஸ்.பொதரகம இந்த உத்தரவைப் பிறப்பித்தார்.
குற்றம் சாட்டப்பட்ட எம்.பி., மே 23 முதல் ஜூன் 9 வரை சீனா செல்ல தனது சட்ட பிரதிநிதிகள் மூலம் அனுமதி கோரினார்.
இந்தக் கோரிக்கையை பரிசீலித்த பின்னர், நீதவான் பொதரகம குறிப்பிட்ட காலப்பகுதிக்கு பயணக் தடையை தற்காலிகமாக இடைநிறுத்துவதற்கு அங்கீகாரம் வழங்கினார்.
அதனுடன் தொடர்புடைய ஒரு அபிவிருத்தியில், கொழும்பு மேல் நீதிமன்றமும் பாராளுமன்ற உறுப்பினர் சம்பந்தப்பட்ட ஒரு தனி வழக்கில் இதேபோன்ற உத்தரவை பிறப்பித்துள்ளதுடன், அவர் மீது விதிக்கப்பட்ட மற்றொரு வெளிநாட்டு பயணத் தடையை தற்காலிகமாக நீக்கியுள்ளது.
