கனடாவில் விமான விபத்தில் கேரளா வாலிபர் பலி
பைபர் நவாஜோ இரட்டை என்ஜின் விமானத்தில் இருவரும் இருந்ததாக சிபிசி அறிக்கையில் தெரிவிக்கப்பட்டுள்ளது. மொத்தம் எட்டு பேரை ஏற்றிச் செல்லக்கூடிய சிறிய ரக விமானம் அது.
கனடாவின் நியூஃபவுண்ட்லேண்ட் மாகாணத்தில் வணிக ஆய்வு விமான விபத்தில் ஒரு இந்தியர் உட்பட இருவர் கொல்லப்பட்டதாக ரொறன்ரோவில் உள்ள இந்திய துணைத் தூதரகம் செவ்வாய்க்கிழமை உறுதிப்படுத்தியது. இந்தியக் குடியுரிமை பெற்ற கவுதம் சந்தோஷ் கேரளாவை சேர்ந்தவர்.
கடந்த சனிக்கிழமை மாலை டீர் லேக் விமான நிலையத்திற்கு அருகே விபத்துக்குள்ளான பைபர் நவாஜோ இரட்டை என்ஜின் விமானத்தில் இருவரும் இருந்ததாக சிபிசி அறிக்கையில் தெரிவிக்கப்பட்டுள்ளது. மொத்தம் எட்டு பேரை ஏற்றிச் செல்லக்கூடிய சிறிய ரக விமானம் அது.
ரொறன்ரோவில் உள்ள துணைத் தூதரகம், எக்ஸ் தளத்தில் வெளியிட்டுள்ள பதிவில், "நியூஃபவுண்ட்லேண்டின் டீர் லேக்குக்கு அருகே வணிக ஆய்வு விமானம் சம்பந்தப்பட்ட விபத்தில் உயிர் இழந்த இந்திய நாட்டைச் சேர்ந்த திரு கௌதம் சந்தோஷின் துயரமான காலத்திற்கு ஆழ்ந்த வருத்தத்துடன் நாங்கள் இரங்கல் தெரிவிக்கிறோம்" என்று குறிப்பிட்டுள்ளது.
இந்தக் கடினமான நேரத்தில் அவரது குடும்பத்தினருக்கு எங்கள் ஆழ்ந்த இரங்கலைத் தெரிவித்துக் கொள்கிறோம். தேவையான அனைத்து உதவிகளையும் ஆதரவையும் வழங்குவதற்காக கனடாவில் உள்ள துயரமடைந்த குடும்பத்தினர் மற்றும் உள்ளூர் அதிகாரிகளுடன் தூதரகம் நெருங்கிய தொடர்பில் உள்ளது, "என்று அது மேலும் கூறியது.
