ரஷ்யாவில் இருந்து கச்சா எண்ணெய் இறக்குமதியை இந்தியா நிறுத்தியதாக வெளியான தகவலுக்கு டிரம்ப் பாராட்டு
சந்தைகளில் கிடைப்பதையும், நிலவும் உலகளாவிய சூழ்நிலையையும் பொறுத்து இந்தியாவின் முடிவுகள் வழிநடத்தப்படுகின்றன என்று வெளியுறவுத்துறை செய்தித் தொடர்பாளர் கூறினார்.
அமெரிக்க ஜனாதிபதி டொனால்ட் டிரம்பின் அறிக்கைகளைத் தொடர்ந்து வர்த்தக மற்றும் எரிசக்தி கொள்கைகள் தொடர்பாக அமெரிக்காவிற்கும் இந்தியாவிற்கும் இடையிலான பதட்டங்கள் அதிகரித்து வருகின்றன. இந்தியா மீது 25% வரி மற்றும் அபராதங்களை அறிவித்த அவர், இந்தியா இனி ரஷ்யாவிடமிருந்து எண்ணெய் வாங்காது என்று கேள்விப்பட்டதாகவும் கூறினார்.
இது குறித்து, டிரம்ப் கூறுகையில், "இந்தியா இனி ரஷ்யாவிடமிருந்து எண்ணெய் வாங்கப் போவதில்லை என்பதை நான் புரிந்துகொள்கிறேன். அதான் கேள்விப்பட்டேன். அது சரியா தவறா என்று எனக்குத் தெரியாது. ஆனால் அது ஒரு நல்ல நடவடிக்கை. இதற்கு பதிலளித்த இந்திய வெளியுறவு அமைச்சகம், எரிசக்தி கொள்முதல் குறித்த தனது நிலைப்பாட்டை தெளிவுபடுத்தியது.
ரஷ்ய எண்ணெய் இறக்குமதி தொடர்பான கொள்கையில் எந்த மாற்றத்தையும் உறுதிப்படுத்தாமல், சந்தைகளில் கிடைப்பதையும், நிலவும் உலகளாவிய சூழ்நிலையையும் பொறுத்து இந்தியாவின் முடிவுகள் வழிநடத்தப்படுகின்றன என்று வெளியுறவுத்துறை செய்தித் தொடர்பாளர் கூறினார்.
இந்தியா-அமெரிக்க கூட்டாண்மை இதற்கு முன்பு சவால்களை எதிர்கொண்டது என்றும் தொடர்ந்து முன்னோக்கி நகரும் என்றும் செய்தித் தொடர்பாளர் குறிப்பிட்டார்.
