ஐசிசியால் புடின் கைது செய்யப்படுவார்: ரஷ்ய அதிகாரிகள் பீதி
இந்த ஆண்டு மார்ச் 17 அன்று, ஐசிசி இரண்டு ரஷ்யர்களுக்கு எதிராகப் பிடியாணை பிறப்பித்தது.
கடந்த மாதம் பன்னாட்டுக் குற்றவியல் நீதிமன்றம் (ஐசிசி) பிறப்பித்த ரஷ்ய அதிபர் விளாடிமிர் புடினுக்கு எதிரான கைது வாரண்ட் குறித்து ரஷ்ய அதிகாரிகள் பீதியில் இருப்பதாக கூறப்படுகிறது. 24 பிப்ரவரி 2022 அன்று உக்ரைன் படையெடுப்பிற்குப் பிறகு புட்டின் போர்க்குற்றம் செய்ததாகக் கூறப்படும் கைது வாரண்ட் பிறப்பிக்கப்பட்டது. உள்ளூர் செய்தி தளங்களில் இருந்து வரும் அறிக்கைகள், கைது உத்தரவுக்கு எதிராக ரஷ்யா கடுமையான முகத்தை வைத்திருப்பதாகக் கூறுகிறது. ஆனால் அரசாங்கத்திற்குள் ஒரு பீதி நிலவுகிறது.
இந்த ஆண்டு மார்ச் 17 அன்று, ஐசிசி இரண்டு ரஷ்யர்களுக்கு எதிராகப் பிடியாணை பிறப்பித்தது. அவர்கள் யாரெனரால் ஜனாதிபதி விளாடிமிர் புடின் மற்றும் குழந்தைகள் உரிமைகளுக்கான ஜனாதிபதி ஆணையர் திருமதி மரியா அலெக்ஸீவ்னா லவோவா-பெலோவா ஆகியோர்ஆவர். இருவருக்கும் எதிரான குற்றச்சாட்டுகளில் போர்க்குற்றங்கள் மற்றும் உக்ரைனில் இருந்து குழந்தைகளை சட்டவிரோதமாக நாடு கடத்தியது ஆகியவை அடங்கும்.
உள்ளூர் செய்தித் தளமான தி மாஸ்கோ டைம்ஸின் அறிக்கைகள், ரஷ்ய அரசாங்கத்தின் மூத்த அதிகாரிகள் கைது வாரண்ட் குறித்து பீதியடைந்துள்ளனர் என்றும், இது ரஷ்யாவின் ஜனாதிபதியாக விளாடிமிர் புடினை அகற்றுவதற்கான நடவடிக்கை என்றும் குற்றம் சாட்டியுள்ளது.
"இது அடிப்படையில் ரஷ்யாவில் அரசாங்கத்தை கவிழ்ப்பதற்கான அழைப்பு" என்று அரசாங்கத்தின் ஒரு பகுதியான ஆளும் கட்சி அரசியல்வாதி தி மாஸ்கோ டைம்ஸிடம் தெரிவித்தார்.
