மொனராகலையில் 26 பயணிகளுடன் வெள்ளத்தில் இழுத்துச் செல்லப்பட்ட பேருந்து
கும்புக்கன் ஓயா பாலத்துக்கு அருகிலுள்ள ஸ்ரீ சண்முகம் வித்தியாலயம் முற்றாக நீரில் மூழ்கியதுடன் இவ்வீதியில் சென்ற பஸ் வண்டியொன்று வெள்ள நீரில்இழுத்துச் செல்லப்பட்டது.
மொனராகலை மாவட்டத்தில் ஏற்பட்ட வெள்ளம் காரணமாக மொனராகலை - கொழும்பு பிரதான வீதியில் கும்புக்கன் ஓயா பாலத்துக்கு மேலாக வெள்ள நீர் பெருக்கெடுத்தது. இதனால் நேற்றையதினம் அவ்வழியாக சென்ற பல வாகனங்கள் வெள்ள நீரில் அடித்துச் செல்லப்பட்டதாக மொனராகலை இடர் முகமைத்துவ மையம் தெரிவித்துள்ளது.
கும்புக்கன் ஓயா பாலத்துக்கு அருகிலுள்ள ஸ்ரீ சண்முகம் வித்தியாலயம் முற்றாக நீரில் மூழ்கியதுடன் இவ்வீதியில் சென்ற பஸ் வண்டியொன்று வெள்ள நீரில்இழுத்துச் செல்லப்பட்டது. இதையடுத்து அதில் சிக்கிய 26 பேர் பாதுகாப்பாக மீட்கப்பட்டுள்ளதாக மொனராரலை பொலிஸார் தெரிவித்தனர்.
இவ்வீதிகளில் செல்லும் பயணிகள் மிக அவதானமாக பயணிக்க வேண்டும் எனவும் கும்புக்கன் ஓயாவுக்கு அருகில் வாழ்ந்து வருபவர்கள் பாதுகாப்பான இடங்களுக்குச் செல்லுமாறும் மொனராகலை மாவட்ட இடர் முகாமைத்துவ மையம் அறிவித்துள்ளது.
