நிரந்தர குடியுரிமைத் திட்டத்தில் இருந்து முன்னணி தகவல் தொழில்நுட்ப நிறுவனங்களுக்கு அமெரிக்கா தடை
ஹார்வர்டு, ஸ்டான்ஃபோர்டு உள்ளிட்ட ஒன்பது பல்கலைக்கழகங்களும் விசாரணைக்கு உட்படுத்தப்பட்டுள்ளன.
வெளிநாட்டுத் தொழிலாளர்களை நிரந்தரக் குடியுரிமைக்காகப் பணியமர்த்துவதில் முறைகேடுகள் நடைபெற்றதாகக் கூறி, இன்ஃபோசிஸ், டி.சி.எஸ்., விப்ரோ, ஹெச்.சி.எல்., மைக்ரோசாஃப்ட், அடோப் உள்ளிட்ட முக்கியத் தகவல் தொழில்நுட்ப நிறுவனங்களை அமெரிக்கத் தொழிலாளர் துறை நிரந்தரத் தொழிலாளர் சான்றளிப்புத் திட்டத்திலிருந்து (PERM) இடைநீக்கம் செய்துள்ளது.
அமெரிக்காவில் மைக்ரோசாஃப்ட் நிறுவனம் 6,000 ஊழியர்களைப் பணிநீக்கம் செய்த அதேவேளையில், அதே பணிகளுக்காக ஆயிரக்கணக்கான எச்-1பி விசாக்களுக்கும் நிரந்தரக் குடியுரிமைத் தொடர்பான விண்ணப்பங்களுக்கும் விண்ணப்பித்ததாகக் கூறப்படும் குற்றச்சாட்டுகள் இதற்குப் பின்னணியாக உள்ளன.
ஹார்வர்டு, ஸ்டான்ஃபோர்டு உள்ளிட்ட ஒன்பது பல்கலைக்கழகங்களும் விசாரணைக்கு உட்படுத்தப்பட்டுள்ளன. பணத்து மாணவர்களைப் பயன்படுத்தி அமெரிக்கத் தொழிலாளர்களின் ஊதியத்தைக் குறைக்கும் நடவடிக்கைகளில் அவை ஈடுபட்டதாகக் குற்றஞ்சாட்டப்பட்டுள்ளது. இது தொடர்பாகப் பல்வேறு மத்திய அரசு விசாரணைகள் நடைபெற்று வருகின்றன; சட்டப்பூர்வ விசாரணைகளின் ஒரு பகுதியாக ஆவணங்களையும் தகவல்களையும் சமர்ப்பிக்குமாறு உத்தரவுகளும் பிறப்பிக்கப்பட்டுள்ளன.
