பன்னாட்டு மற்றும் உள்ளூர் கிரிக்கெட்டில் இருந்து ஓய்வு பெறுவதாக ஷிகர் தவான் அறிவிப்பு
நான் எனது வாழ்க்கையின் பெரும்பகுதியை கிரிக்கெட்டில் கழித்துள்ளேன். நான் இப்போது பன்னாட்டு மற்றும் உள்நாட்டு போட்டிகளில் இருந்து ஓய்வெடுக்க விரும்பும் ஒரு கட்டத்தை அடைந்துவிட்டேன்
இந்தியாவின் மிகச்சிறந்த வெள்ளைப் பந்து தொடக்க வீரர்களில் ஒருவரான ஷிகர் தவான் பன்னாட்டுக் கிரிக்கெட்டில் இருந்து ஓய்வு பெறுவதாக அறிவித்துள்ளார். 38 வயதான தவான், தான் இந்திய நிறங்களில் இருந்து விலகிச் சென்றாலும், லீக் கிரிக்கெட்டில் முக்கியமாக ஐபிஎல் தொடர சூசகமாக தெரிவித்ததாக தெளிவுபடுத்தினார். கடைசியாக 2022 டிசம்பரில் பங்களாதேஷுக்கு எதிரான ஒருநாள் போட்டியில் இந்தியாவுக்காக விளையாடிய தவான், 24 சதங்கள், 44 அரைசதங்கள் உட்பட 269 போட்டிகளில் இருந்து 10,867 ரன்கள் எடுத்துள்ளார். கடந்த பத்தாண்டில் இந்திய பேட்டிங்கின் அச்சாணிகளில் ஒருவராக உள்ளார்.
"இது எனக்கு கடினமான முடிவு அல்ல. நான் உணர்ச்சிவசப்படவும் இல்லை. நான் அழ விரும்பவில்லை. ஆனால் பெரும்பாலும் அது நன்றியுணர்வு மற்றும் அன்பு ஆகும். நான் எனது வாழ்க்கையின் பெரும்பகுதியை கிரிக்கெட்டில் கழித்துள்ளேன். நான் இப்போது பன்னாட்டு மற்றும் உள்நாட்டு போட்டிகளில் இருந்து ஓய்வெடுக்க விரும்பும் ஒரு கட்டத்தை அடைந்துவிட்டேன் என்று உணர்கிறேன்" என்று தவான் இந்துஸ்தான் டைம்சிடம் சிறப்பு அரட்டையில் கூறினார்.
