Breaking News
பெண்ணையாற்று நீர் பங்கீடு விவகாரம்: தமிழ்நாடு–கர்நாடகா இடையிலான தகராறுக்கு தீர்ப்பாயம் அமைக்க உச்ச நீதிமன்றம் உத்தரவு
இந்த வழக்கில் கடந்த 2025 டிசம்பர் 19ஆம் தேதி தீர்ப்பை ஒதுக்கி வைத்திருந்த நீதிமன்றம், மாநிலங்களுக்கிடையே ஒருமித்த கருத்து எட்டப்படவில்லை
பெண்ணையாற்று நீர்ப் பங்கீடு தொடர்பாக தமிழ்நாடு மற்றும் கர்நாடகா மாநிலங்களுக்கு இடையிலான நீடித்து வரும் தகராறை விசாரிக்க தீர்ப்பாயம் அமைக்க மத்திய அரசுக்கு உச்ச நீதிமன்றம் திங்கட்கிழமை உத்தரவிட்டது.
இந்த வழக்கில் கடந்த 2025 டிசம்பர் 19ஆம் தேதி தீர்ப்பை ஒதுக்கி வைத்திருந்த நீதிமன்றம், மாநிலங்களுக்கிடையே ஒருமித்த கருத்து எட்டப்படவில்லை என மத்திய அரசு தெரிவித்ததை அடுத்து இந்த உத்தரவை பிறப்பித்தது.
நீதிபதிகள் விக்ரம் நாத் மற்றும் என்.வி. அஞ்சாரியா அடங்கிய அமர்வு, தீர்ப்பாயம் அமைப்பதற்கான அறிவிப்பை ஒரு மாதத்திற்குள் வெளியிட வேண்டும் என்றும் உத்தரவிட்டது.
