Breaking News
பயங்கரவாதத்தை இந்தியா சகித்துக் கொள்ளாது: பிரதமர் மோடி
இந்த துயரமான தருணத்தில் ஆஸ்திரேலிய மக்களுக்கு இந்தியா ஆதரவாக நிற்கிறது என்று அவர் கூறினார்.
ஆஸ்திரேலியாவின் போண்டி கடற்கரையில் யூத பண்டிகையான ஹனுக்காவின் முதல் நாளைக் கொண்டாடும் மக்களை குறிவைத்து நடத்தப்பட்ட கொடூரமான பயங்கரவாதத் தாக்குதலுக்கு பிரதமர் நரேந்திர மோடி ஞாயிற்றுக்கிழமை கடும் கண்டனம் தெரிவித்துள்ளார்.
இந்த தாக்குதலால் தாம் ஆழ்ந்த அதிர்ச்சியை அடைந்துள்ளதாகவும், தங்கள் அன்புக்குரியவர்களை இழந்த குடும்பங்களுக்கு இந்திய மக்கள் சார்பாக இரங்கல் தெரிவித்துள்ளதாகவும் பிரதமர் வெளியிட்டுள்ள அறிக்கையில் தெரிவித்துள்ளார். இந்த துயரமான தருணத்தில் ஆஸ்திரேலிய மக்களுக்கு இந்தியா ஆதரவாக நிற்கிறது என்று அவர் கூறினார்.
இந்தியாவின் நிலைப்பாட்டை மீண்டும் வலியுறுத்திய மோடி, பயங்கரவாதத்திற்கு எதிராக நாடு பூஜ்ஜிய சகிப்புத்தன்மையைக் கொண்டுள்ளது என்றும், பயங்கரவாதத்தின் அனைத்து வடிவங்களுக்கும் எதிரான போராட்டத்தையும் ஆதரிக்கிறது என்றும் கூறினார்.
