ஏர் மார்ஷல் அசுதோஷ் தீட்சித் புதிய விமானப்படை தலைவராக நியமனம்
அன்றைய தினம் ஓய்வுபெறும் தற்போதைய விமானப்படைத் தலைவர் ஏர் சீஃப் மார்ஷல் அமர் பிரீத் சிங்கைத் தொடர்ந்து அவர் பொறுப்பேற்கிறார்.
ஏர் மார்ஷல் அசுதோஷ் தீட்சித், இந்திய விமானப்படையின் 29-வது தலைவராக நியமிக்கப்பட்டுள்ளார். அக்டோபர் 31-ம் தேதி பிற்பகல் அவர் பொறுப்பேற்கிறார். அன்றைய தினம் ஓய்வுபெறும் தற்போதைய விமானப்படைத் தலைவர் ஏர் சீஃப் மார்ஷல் அமர் பிரீத் சிங்கைத் தொடர்ந்து அவர் பொறுப்பேற்கிறார்.
தற்போது விமானப்படையின் துணைத் தலைவராகப் பணியாற்றி வரும் தீட்சித், ஏர் சீஃப் மார்ஷலாகப் பதவி உயர்வு பெற்று விமானப்படைக்கு தலைமை ஏற்கிறார். ஆபரேஷன் சிந்தூர் மற்றும் 2025-ம் ஆண்டு மே மாதம் பாகிஸ்தானுடன் ஏற்பட்ட மோதலின்போது இந்திய விமானப்படைக்கு அமர் பிரீத் சிங் தலைமை தாங்கினார்.
சுமார் 40 ஆண்டுகளாக விமானப்படையில் பணியாற்றி வரும் தீட்சித், போர் விமானி ஆவார். உள்நாட்டிலேயே தயாரிக்கப்பட்ட இலகுரக போர் விமானமான தேஜஸ் உள்ளிட்ட இந்தியாவின் பல்வேறு விமானத் தயாரிப்புத் திட்டங்களில் அவர் முக்கியப் பங்காற்றியுள்ளார்.
