புதுப்பிக்கப்பட்ட விமானப்பயண தகவல்களைப் பெறுமாறு அறிவுறுத்து
+94117771979 எனும் தொலைபேசி இலக்கத்தின் ஊடாகவும் தொடர்புகொண்டு தமது விமானப்பயண சேவை குறித்த புதுப்பிக்கப்பட்ட தகவல்களைப் பெற்றுக்கொள்ளமுடியும் ஸ்ரீலங்கன் விமானசேவை நிறுவனம் அறிவித்துள்ளது.
நாட்டில் நிலவும் சீரற்ற காலநிலை காரணமாக இலங்கைக்குள் பிரவேசிக்கின்ற மற்றும் இலங்கையிலிருந்து புறப்படுகின்ற விமானங்களின் புதுப்பிக்கப்பட்ட விபரங்களை www.airport.lk எனும் இணையத்தளத்தில் பார்வையிட முடியும் என ஸ்ரீலங்கன் எயார்லைன்ஸ் நிறுவனம் அறிவித்துள்ளது.
குறிப்பாக இலங்கைக்குள் பிரவேசிக்கும் விமானங்கள் தொடர்பான விபரங்களை www.airport.lk/flight_info/arrival எனும் லிங்க் ஊடாகவும், இலங்கையிலிருந்து புறப்படும் விமானங்கள் தொடர்பான விபரங்களை www.airport.lk/flight_info/departure எனும் லிங்க ஊடாகவும் பார்வையிட முடியும்.
அதேபோன்று ஸ்ரீலங்கன் விமானசேவை ஊடாகப் பயணம் செய்வதற்குத் திட்டமிட்டுள்ள பயணிகளில் இலங்கையில் இருப்போர் 1979 எனும் தொலைபேசி இலக்கத்தின் ஊடாகவும், வெளிநாடுகளில் இருப்போர் +94117771979 எனும் தொலைபேசி இலக்கத்தின் ஊடாகவும் தொடர்புகொண்டு தமது விமானப்பயண சேவை குறித்த புதுப்பிக்கப்பட்ட தகவல்களைப் பெற்றுக்கொள்ளமுடியும் ஸ்ரீலங்கன் விமானசேவை நிறுவனம் அறிவித்துள்ளது.
மேலும் பாதுகாப்பான விமானசேவையைத் தொடர்ந்து முன்னெடுப்பதற்குத் தமது தேசிய மற்றும் சர்வதேசப் பங்காளிகள் சகலரும் தொடர் ஒருங்கிணைப்புடன் செயலாற்றிவருவதாகவும் அந்நிறுவனம் குறிப்பிட்டுள்ளது.
